Klip-Toengoeska

in Wikipedia, die vrye ensiklopedie
Jump to navigation Jump to search
Klip-Toengoeska – Middel-Toengoeska
Die nedersetting Osjarowo by die Klip-Toengoeska
Die nedersetting Osjarowo by die Klip-Toengoeska
Yeniseirivermap.png
Die stroomgebied van die Klip-Toengoeska
Oorsprong noordwes van Oest-Koet, Irkoetsk-oblast, Rusland
Monding naby Bor, Krasnojarsk-krai, Rusland
Jenisejrivier
Stroomgebied Rusland
Lengte 1 865 km (1 159 myl)
Oorspronghoogte 946 m (3 104 voet)
Mondinghoogte 27 m (89 voet)
Gemiddelde afloop 1 750 m³/s (62 000 ft³/s)
Stroomgebiedopp. 249 000 km² (96 100 myl²)
Kaart van die Klip-Toengoeska-bekken in Asië
Kaart van die Klip-Toengoeska-bekken in Asië

Die Klip-Toengoeska (Russies: Подкаменная Тунгуска, Podkamennaja Tunguska, letterlik: "Toengoeska onder die klippe"), soms ook Middel-Toengoeska (Сре́дняя Тунгу́ска, Srednjaja Tunguska) genoem, is 'n groot sytak van die Jenisejrivier in Siberië. Dié rivier, met 'n lengte van 1 865 km (1 159 myl), ontspring noordwes van Oest-Koet naby die Laer-Toengoeska se bron in die Irkoetsk-oblast. Aansluitend vloei dié rivier, Katanga genoem, in 'n noordwestelike rigting deur die Krasnojarsk-krai en bereik Wanawara, 'n nedersetting naby die Toengoeska-voorval se plek. Vanaf Wanawara vloei die Klip-Toengoeska in 'n westelike en later noordwestelike rigting en bereik Baikit. Vanaf Baikit vloei dié rivier weer in 'n westelike rigting en mond naby die dorp Bor in die Jenisejrivier uit.[1]

Die Klip-Toengoeska is een van drie riviere in Rusland wat die naam Toengoeskarivier dra. Die ander is die Laer-Toengoeska wat sowat 100 km suid van die Klip-Toengoeska se bron entspring en sowat 600 km noord van die Klip-Toengoeska se monding in die Jenisejrivier uitmond. Die Angara se boloop word soms ook Bo-Toengoeska genoem.

Verwysings[wysig | wysig bron]

  1. (en) Podkamennaya Tunguska River”. Encyclopædia Britannica. URL besoek op 16 Augustus 2017.

Eksterne skakels[wysig | wysig bron]