Kloofsaag

in Wikipedia, die vrye ensiklopedie
Jump to navigation Jump to search

'n Kloofsaag is 'n houtsaag wat spesiaal ontwerp is vir die maak van 'n skeursnit, 'n snit gemaak ewewydig (parallel) aan die rigting van die hout se grein.

Ontwerp[wysig | wysig bron]

Die snykant van elke tand het 'n plat voorste rand wat skuins agtertoe lê teen sowat 8°, in teenstelling met 'n kruissaag, wat tande het wat skuins agtertoe lê teen ongeveer 15°.[1]

Nog 'n verskil met die kruissaag, is dat die kante geslyp is op regte hoeke met die snyvlak, wat beitel-agtige snyoppervlaktes vorm, terwyl die kruissaag s'n teen 'n hoek geslyp is, sodat elke tand 'n messoort-snypunt in kontak met die hout het. Hierdie ontwerp sorg dat die saag nie die hout se greinlyne volg nie, wat die saag op die verkeerde pad kon stuur. Deur soos 'n beitel te werk, kan die saag makliker oor afwykende greinlyne sny, wat nodig is om 'n reguit snit te bereik. 

Dit is moontlik om hierdie materiaaluitskot meganisme in aksie waar te neem, deur die ontleding van raampie-vir-raampie beeldmateriaal van die snyproses.[2] Kloofsae het tipies 4-10 tande per duim, wat hulle relatief grof maak.

Gebruik[wysig | wysig bron]

Alle saagmeulens gebruik kloofsae van verskillende tipes, insluitende die bandsaag. Histories het saagmeulens gebruik gemaak van een of meer resiprokerende sae. meer spesifiek bekend as 'n "op-en-af" of "regopsaag". Sommige saagmeulens gebruik ook kloofsae om blaaie en planke op die regte lengte te saag.

Snystyle[wysig | wysig bron]

Vir die oorgrote meerderheid van sae oor die wêreld heen, is die tande ontwerp om te sny wanneer die saag gestoot word deur die hout. Daar is egter ook sommige sae, soos die Japannese saag en die saag wat deur die Antieke Egiptenare gebruik is, wat ontwerp is om te sny met die trekslag.

Verwysings[wysig | wysig bron]

  1. Lye, P.F. (1971). "rip+saw" Woodwork theory (Metric uitg.). London: Thomas Nelson. p. 23. ISBN 9780174443209. Besoek op 22 Oktober 2015. 
  2. Naylor, Andrew (May 2014). “Evaluating the Cutting Mechanics of Woodworking Hand-Saw Teeth”. IJMMM 2 (2).
Hierdie artikel is in sy geheel of gedeeltelik vanuit die Engelse Wikipedia vertaal.