Kubieke sentimeter
'n Kubieke sentimeter (cubic centimetre in Engels) (SI-eenheid simbool: cm3, nie-SI afkortings: cc en ccm) is 'n algemeengebruikte eenheid van volume wat tot die afgeleide SI-eenheid kubieke meter strek, en stem ooreen met die volume van 'n kubus wat 1 cm × 1 cm × 1 cm meet. Een kubieke sentimeter stem ooreen met 'n volume van 1/1 000 000 van 'n kubieke meter, of 1/1 000 van 'n liter, of een milliliter; dus is 1 cm3 ≡ 1 ml. Die massa van een kubieke sentimeter water by 3.98 °C (die temperatuur waarteen dit sy maksimum digtheid bereik) is gelyk aan een gram. Let daarop dat SI net die gebruik van simbole ondersteun en verag die gebruik van enige afkortings vir eenhede. Daarom word cm3 verkies bó cc of ccm.
In meeste wetenskapvelde is kubieke sentimeter vervang met milliliter. Die mediese veld en motorbedryf in die Verenigde State van Amerika gebruik steeds die term kubieke sentimeter. Baie van die motorbedryf buite die VSA het na liter oorgeskakel. Die Verenigde Koninkryk gebruik milliliter as voorkeur tot kubieke sentimeter in die mediese veld, maar nie by motors nie. Die meeste ander Engelssprekende lande volg die Britse voorbeeld.
Daar is tans 'n beweging binne die mediese veld om die gebruik van cc op voorskrifte en in mediese dokumente te staak, omrede dit verkeerd gelees kan word as 00. Dit kan 'n honderdvoudige oordosis van medikasie tot gevolg hê, wat gevaarlik of selfs dodelik kan wees. In Amerika is hierdie verwarring verantwoordelik vir 12,6% van alle foute wat verband hou met mediese afkortings.
