Kulturväven

in Wikipedia, die vrye ensiklopedie
Jump to navigation Jump to search
Kulurväven in Maart 2014

Kulturväven is 'n kulturele sentrum langs die rivier Ume in Umeå in die Sweedse provinsie Västerbottens län.

Kulturväven is in 2011-2014 gebou as deel van die stadsontwikkelingsprojek Staden mellan broarna (stad tussen die brûe). Die opdraggewer is die munisipaliteit Umeå saam met die plaaslike makelaarsmaatskappy "Balticgruppen", via die gesamentlike onderneming "Väven i Umeå AB".[1] Die totale oppervlakte is 24,000 vierkante meter en die totale koste is op sowat 700 miljoen krone geraam, die werke aan die binnekant uitgesluit. Die argitekte is die Noorse maatskappye Snøhetta en White Arkitekter.[2] wat ook aan die bou van enkele geboue op die Umeå kunskampus saamgewerk het.

Kulturväven sal in die herfs van 2014 gereed wees, die jaar dat Umeå die "kulturele hoofstad van Europa" is.[3] Die kulturele sentrum sal 'n aantal kulturele instellings huisves, wat tans in ander dele van die stad gevestig is, asook 'n aantal nuwe kulturele inisiatiewe. Die boukoste, die vennootskappe wat nuut is gevorm en die verplasing van die stadsbiblioteek na die nuwe gebou het in Umeå heelwat besprekings veroorsaak.

Die gebou bevat werkwinkels, 'n kulturele jeugsentrum, teaters, die stadsbiblioteek, die rolprentteater Folkets Bio en die "historiese museum van die vroue" (Kvinnohistoriskt museum).

Nog voor die inhuldiging van die gebou is die ontwerp as 'n plagiaat gesien, omdat drie vertikale geboue met soortgelyke fasades al in Kopenhagen in die tydperk 2006-2008 gebou is. Die Deense geboue is ontwerp deur die Deense maatskappy Vilhelm Lauritzen Arkitekte, wat niks te doen gehad het met die ontwerp van Kulturväven nie. 'n Argitek van hierdie maatskappy is egter van mening dat Kulturväven geen plagiaat is nie.[4]

Verwysings[wysig | wysig bron]