Lakune (manuskripte)

in Wikipedia, die vrye ensiklopedie
Jump to navigation Jump to search
Die eerste bladsy van die Kodeks Boernerianus met lakunes in Romeine 1:1-4

'n Lakune (van Latyn Lacuna[1]) is 'n gaping in 'n manuskrip, inskrif, teks, skildery of musikale werk.

Verwering, verval en ander skade aan ou manuskripte het dikwels lakunes ten gevolg—woorde, sinne, of hele frases is dikwels afwesig of onleesbaar. Palimpseste is besonder vatbaar daarvoor. Om die oorspronklike teks te herstel, moet die konteks in ag geneem word. In papirologie en tekskritiek kan dit lei tot kompeterende rekonstruksies en interpretasies. Gepubliseerde tekste wat lakunes bevat, merk dikwels die afdeling waar die teks ontbreek met 'n beletselteken in hakies.

Byvoorbeeld, "Hierdie sin bevat 20 woorde, en […] selfstandige naamwoorde," of, "Eindelik het die weermag hul bestemming te […] bereik en kamp opgeslaan."

Nota[wysig | wysig bron]

  1. Meervoud lacunae. Van Latyn lacūna (sloot, gaping), die verkleinvorm van lacus (meer).