Le Silence de la mer

in Wikipedia, die vrye ensiklopedie
Jump to navigation Jump to search
Le Silence de la mer
geskrewe werk
Naam van werkLe Silence de la merWysig
OnderwerpTweede WêreldoorlogWysig
GenreKortverhaal, romanWysig
OuteurJean BrullerWysig
UitgewerLes Éditions de MinuitWysig
Land van oorsprongFrankrykWysig
Taal van werk of naamFransWysig
PublikasiedatumFebruarie 1942Wysig
Pryse ontvangLe Monde se 100 boeke van die eeuWysig
Die yl versierde omslag van die eerste uitgawe van Le Silence de la mer.

Le Silence de la mer (In Afrikaans vertaal deur Jan Rabie as die Stilte van die see ;In Engels The Silence of the Sea) is 'n Franse roman geskryf gedurende die somer van 1941 en gepubliseer vroeg in 1942 deur Jean Bruller onder die pseudoniem "Vercors". Die boek is in die geheim gepubliseer in die Duits-besette Parys. Die boek het vinnig 'n simbool geword van geestelike weerstand teen die Duitse besetters. Le Monde het die boek in 1999 as 42ste in 'n oorsig van die beste literêre werke uit die twintigste eeu aangewys

Storie opsomming[wysig | wysig bron]

In die boek vertel Vercors hoe 'n ou man en sy niggie weerstand teen die Duitse okkupeerders toon deur nie te praat met die beampte wat hul huis beset nie. Die Duitse beampte is 'n voormalige komponis wat drome het van broederskap tussen die Franse en Duitse nasies. Hy is egter mislei deur die Nazi-propaganda van daardie tydperk. Hy word ontnugter wanneer hy besef die werklike doel van die Duitse weermag is nie om te bou nie, maar om te verwoes en uit te buit. Hy kies dan om Frankryk te verlaat om aan die Oosfront te veg, en verklaar kragtig dat hy oppad is "hel toe."

Verwerkings[wysig | wysig bron]

Die boek is in Engels deur Cyril Connolly vertaal en in 1944 gepubliseer onder die titel Put Out the Light.

'n Engelse taalaanpassing genaamd The Silence of the Sea is op 7 Junie 1946 deur die BBC TV-diens uitgesaai as deel van hul eerste aand se programmering na die hervatting van TV-uitsendings na die einde van die Tweede Wêreldoorlog.

'n Film, Le Silence de la mer, gebasseer op die boek en geredigeer deur Jean-Pierre Melville, is in 1949 vrygestel.

'n Tweede Engelstalige TV-aanpassing is in 1981 deur die BBC uitgesaai en 'n verhoog weergawe deur John Crowther is in 1985 deur The Heywood Society in die teater by Peterhouse, Cambridge, opgevoer. Met die (vermoedelik ironiese) titel Talking in the Night.

Le Silence de la Mer (2004) is 'n Frans-Belgiese TV-fliek gebaseer op die romans van Vercors verfilm van 1 tot 28 April 2004 in Tusson en met regisseur Pierre Boutron vir France 2 televisie. Hierdie film is in 2004 by die Fees van Fiksie van Saint-Tropez drie toekennings ontvang: beste tv-film, beste aktrise (Julie Delarme) en beste musiek (Angelique et Jean-Claude Nachon). Die akteurs is Julie Delarme (Jeanne Larosière), Michel Galabru (André Larosière), Thomas Jouannet (Werner Von Ebrennac), Marie Bunel (Marie), Timotee Ferrand (Pierre).

In 2013 is 'n nuwe Engelse weergawe van Anthony Weigh opgevoer by die Trafalgar Studios-teater in Londen as deel van die Donmar Trafalgar-seisoen, met die hoofrolle Leo Bill, Simona Bitmate en Finbar Lynch. Simon Evans was die regisseur.

Hierdie artikel is in sy geheel of gedeeltelik vanuit die Engelse Wikipedia vertaal.