Le Triomphant-klas duikbote

in Wikipedia, die vrye ensiklopedie
Jump to navigation Jump to search
Téméraire

Die Le Triomphant-klas duikbote is kernaangedrewe duikbote van die Franse Vloot wat ballistiese missiele dra.

Die klas bestaan uit vier duikbote waarvan die eerste duikboot, Le Triomphant, in 1997 afgelewer is. Die ander in die klas, Le Temeraire, Le Vigilant en Le Terrible is onderskeidelik in 1999, 2004 en 2010 afgelewer. Die duikbote is deur Direction des Constructions et Armes Navales (DCN) in Cherbourg skeepswerf gebou.

Hierdie duikbote dra 16 vertikaalgelanseerde M54 ballistiese missiele, elk toegerus met ses kernplofkoppe. Elke plofkop is ekwivalent aan 147 638 ton TNT. In 2010 is die TN 75 plofkop in gebruik geneem en was selfs nog kragtiger. Hulle reikafstand is ook verbeter tot 8 047 km.

Dit is interessant dat Frankryk meer fondse in die ontwikkeling van ballistiese missiele belê het terwyl die ander lande die teenoorgestelde pad geloop het; die Koue Oorlog was immers verby. Die Le Triomphant-klas het saamgeval met die verskyning van die Britse Vanguard-klas duikbote.

Die tweede duikboot in die klas Le Temeraire is in Januarie 2000 in diens gestel, Le Vigilant in 2005 en Le Terrible in 2010. Dié klas is toegrus met vier 533 mm torpedobuise wat torpedos en Excocet-missiele kan afvuur.

Duikbote in die klas[wysig | wysig bron]

Naam Konstruksie begin Te water gelaat In diens gestel
Le Triomphant 9 Junie 1986 26 Maart 1994 21 Maart 1997
Le Téméraire 18 Desember 1993 21 Januarie 1998 23 Desember 1999
Le Vigilant Januarie 1996 19 September 2003 26 November 2004
Le Terrible 24 Oktober 2000 21 Maart 2008 20 September 2010[1]

Tegniese besonderhede[wysig | wysig bron]

Besonderhede van die Le Triomphant-klas duikboot:
Item Statistiek
Verplasing (oppervlak) 12 440 metrieke ton
Verplasing (onderwater) 14 108 metrieke ton
Lengte 184,0 m
Breedte 12,5 m
Aandrywing 1 x GWC PAR K15 kernkrag reaktor

1 x stoomturbine van 30 947 kW

Spoed (oppervlak) 22,0 knope
Spoed (onderwater) 25,0 knope
Bemanning 65 persone
Wapens 4 x 533 mm torpedo buise
18 x ECAN L5 Mod 3 torpedo's en Excocet-missiele
16 M45 SLBM missiele met TNT75 plofkoppe

Bron[wysig | wysig bron]

  • The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2

Verwysings[wysig | wysig bron]

  1. "Le Terrible entre en service actif" (in Japannees). Ministry of Defense (France). 1 Oktober 2010. Geargiveer vanaf die oorspronklike op 1 Augustus 2012. Besoek op 1 Oktober 2010.