Ligmeter

'n Ligmeter is 'n instrument wat gebruik word om die hoeveelheid sigbare lig te meet. In fotografie word 'n ligmeter gekoppel aan 'n digitale of analoë rekenaar wat die korrekte sluiterspoed en F-nommer aandui vir die beste beligting gegewe 'n bepaalde beligtingsituasie en filmspoed. Soortgelyk word ligmeters in kinematografie en stelontwerpe gebruik om die optimumligsterkte te bepaal.

Ligmeters word ook gebruik in argitektoniese beligtingsontwerpe om installasies en die doeltreffendheid van 'n gebou se beligting te meet; dit word ook hier gebruik om die ligvlakke vir groeiende plante te meet.

Indien 'n ligmeter sy meting in lux weergee, staan dit as 'n luxmeter bekend.^[1]