Limpie Basson

in Wikipedia, die vrye ensiklopedie
Jump to navigation Jump to search
Limpie Basson
Geboorte 1930
Nasionaliteit Suid-Afrika
Sterfte 2008 (op 78)
Stellenbosch
Beroep(e) Akteur, regisseur, ontwerper
Rolprente Fiela se kind, Tant Ralie se Losieshuis, Die Spaanse Vlieg
Toekennings Artes (Fiela se kind)
Internet-rolprentdatabasis-profiel

Limpie Basson (1930–2008) was ’n Suid-Afrikaanse akteur, regisseur en radiopersoonlikheid. Hy onder meer vir die eertydse Nasionale Toneelorganisasie (NTO) en daarna vir Kruik en Truk toneelgespeel. Hy was bekend vir rolprente soos Fiela se Kind, waarvoor hy ’n Artes-prys ontvang het, Tant Ralie se Losieshuis en Die Spaanse Vlieg, asook TV-reekse soos Arende en Verspeelde Lente. Hy was ook ’n knap pianis.[1]

Loopbaan[wysig | wysig bron]

Basson het aan die Universiteit Stellenbosch (US) studeer en was in 1949 deel van die US se eerste dramagroep. Hy het in die laat 1950's in Brittanje skoolgehou en is in die 1960's ná sy terugkeer aangestel as ’n akteur van die Transvaalse Raad vir Uitvoerende Kunste (Truk). Hy is daarna Kaapstad toe, waar hy in 1971 ’n groep professionele akteurs afgerig het wat in die destydse Departement van Kleurlingsake se diens was. Hulle het by "gekleurde" skole opgetree.[2]

Hy het ook vir Kruik gewerk, asook vir die Maynardville-opelugteater en die "alternatiewe" teater Die Ruimte. Vir laasgenoemde teater was hy die regisseur van verskeie toneelstukke. Basson was ook jare lank omroeper by Radio Goeie Hoop.

As ’n rolprent- en TV-akteur het hy in later jare bekend geword vir produksies en reekse soos Fiela se Kind (waarvoor hy ’n Artes gewen het), Arende, Verspeelde lente, Tant Ralie se Losieshuis, Die Spaanse Vlieg en Manakwalanners.

Basson het twee weke voor sy dood ’n heupvervangingsoperasie ondergaan en was verswak. Hy is weens orgaanversaking dood.[3]

Filmografie[wysig | wysig bron]

As akteur:

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Limpie Basson. URL besoek op 22 Februarie 2013.
  3. Geliefde akteur Limpie Basson sterf, Beeld, 10 November 2008. URL besoek op 22 Februarie 2013.