Luangwa-rivier

in Wikipedia, die vrye ensiklopedie
Jump to navigation Jump to search
Luangwarivier
Die Luangwarivier in Zambië.
Die Luangwarivier in Zambië.
Luangwa River Course.png
Die stroomgebied van die Luangwarivier (in rooi).
Oorsprong Mafinga-heuwels (Malawi)
Monding Zumbo, op die grenspunt tussen Zimbabwe, Zambië en Mosambiek
Zambezirivier
Stroomgebied Malawi, Zambië, Mosambiek
Lengte 770 km
Oorspronghoogte 1 500 m
Mondinghoogte 327 m
Gemiddelde afloop 688 m³/s
Stroomgebiedopp. 159 615 km²
Kaart van die Luangwarivier-bekken in Afrika.
Kaart van die Luangwarivier-bekken in Afrika.

Die Luangwarivier in Zambië is een van die grootste sytakke van die Zambezirivier.

Oorsprong[wysig | wysig bron]

Die rivier ontspring op 1 500 m bo seevlak in die Mafinga-heuwels net-net op die grondgebied van Malawi. Dit is naby die grenspos Chitipa, 'n paar kilometer wes van die noordelike punt van die Malawimeer, net suidwes van die grenspunt waar Zambië, Tanzanië en Malawi ontmoet en noordoos van die dorp Isoka. Nie ver wes hiervandaan ontspring die Kalungurivier, 'n groot boloop van die Chambeshirivier.

Stroomgebied[wysig | wysig bron]

Die Luangwa vloei suidweswaarts deur die Luangwavallei en oos van die Muchinga-berge. Die rivier is 770 km lank, het 'n opvanggebied van 145710 km² wat 'n reënval kry wat wissel tussen die 760 tot 1770 mm per jaar. Dus word die vloedvlakte elke jaar oorspoel. Na 'n 150 km is die rivier reeds slegs 690 m bo seespieël en meander daarna deur die vloedvlakte wat daar 10 km breed is in 'n vallei van tot 100 km wyd. Na 500 km is die vallei 'n 50 km breed. Die T4-hoofpad (tussen Lusaka en Lilongwe) met sy historiese Luangwabrug is die enigste groot pad wat die rivier kruis. Effens stroomop van die brug sluit ook die enigste beduidende sytak van die rivier aan, naamlik die Lukusashirivier uit die noordweste. In laasgenoemde rivier se boloop is die Kundalila-waterval. Afgesien van die laaste amper 100 km loop die Luangwa heeltemal deur Zambië. Hierdie laaste deel vorm dit die grens met Mosambiek. Waar die rivier by Zumbo in die westelike hoek van die Cahora Bassa-dam uitmond, is die punt waar Zimbabwe, Zambië en Mosambiek ontmoet.

Natuurreservate[wysig | wysig bron]

Wat mense aangaan, is die afgeleë stroomgebied baie dun bevolk. Maar dit is baie ryk aan wild en daar is verskeie wildreservate. Daar kan nie net slegs voëls en krokodille bekyk word nie. Die meeste grootwildspesies kom voor.

Bronne[wysig | wysig bron]