Lukrake intrede

in Wikipedia, die vrye ensiklopedie

Lukrake intrede is een van die tegnieke van laterale denke soos deur Edward de Bono bedink is. Voorwerpe of 'n woord uit 'n woordeboek word lukraak gekies en dan in verband gebring met die onderwerp waaroor gedink word.

'n Voorbeeld daarvan is wanneer daar gedink word aan maniere om Wikipedia te verbeter. 'n Mens neem byvoorbeeld lukraak enige voorwerp in die kantoor, gestel die faksmasjien. Daar word dan na die eienskappe daarvan gekyk:

  • 'n Faksmasjien versend beelde oor die telefoonlyn na papier.
  • Faksmasjiene word al hoe skaarser in kantore.
  • Mense stuur fakse direk na bekende nommers.

Die eienskappe kan dan byvoorbeeld denke stimuleer oor hoe wiki-artikels in e-pos of ander webwerwe ingesluit kan word soos in die geval met youtube se video's.