Lys van die grootste sterrestelsels

Hieronder is ’n lys van die grootste sterrestelsels wat tot dusver ontdek is, volgens grootte.

Die volgorde van die lys is spekulatief omdat:

• Sterrestelsels nie presiese grense het nie. Van die middel van die stelsel af word die sterre net minder dig en lê hulle verder van mekaar af. Hierdie lys plaas die grens van ’n sterrestelsel waar minstens een ster per 100 ligjare voorkom en sterre mekaar dus deur hul swaartekrag sal aantrek.
• Die meeste sterrestelsels onbekende liguitstralings teen verskillende golflengtes het. ’n Voorbeeld is IC 1101, waarvan die X-straal-uitstralings tot meer as 6 miljoen ligjare ver strek ten spyte van sy kleiner deursnee wat sterre betref.
• Die meeste stelsels swaartekragversteurings ondergaan wat hul sterre verder laat uitsprei. Op dié lys is die grens van stelsels waar die swaartekrag oorheersend is; dit neem nie getysterte en ander wisselwerkings in ag nie.

Lys

Lys van die grootste sterrestelsels

Stelsel	Grootte (ligjare / parsek)	Tipe	Beskrywing
IC 1101	5 800 000 / 1 800 000 ± 800 000 / 250 000	E3	Die raming van die grootte is sedert die 1980's met die helfte verklein.
NGC 262 (Markarian 348)	2 600 000 / 800 000 (H I-halo)	S0-a	Die groot, neutrale waterstofhalo maak dit groot; die sterredeursnee is net 88 000 lj.
Helderste stelsel van die Phoenix-swerm	2 200 000 / 670 000	E3	Enorme elliptiese steruitbarstingstelsel.
300 ander Abell-stelses wat die grootste in hul swerm is	>1 000 000 / 310 000
Melkweg	100 000 / 31 000	SBc	Die stelsel wat die Sonnestelsel bevat.