Mærsk Mc-Kinney Møller (skip, 2013)

in Wikipedia, die vrye ensiklopedie
Spring na: navigasie, soek
Die volgelaaide Mærsk Mc-Kinney Møller

Die Mærsk Mc-Kinney Møller is 'n reuse houerskip van die Deense A.P. Møller-Mærsk Groep.

Die skip is in Julie 2013 in gebruik geneem. By ingebruikname was dit die grootste houerskip ter wêreld uitgedruk in TEU-laaikapasiteit. Die lengte van 399 meter maak dit toe ook die langste skip in aktiewe diens. Die Mærsk Mc-Kinney Møller is in Suid-Korea gebou deur Daewoo Shipbuilding & Marine Engineering (DSME).

Die skip is genoem na Arnold Mærsk Mc-Kinney Møller, van 1965 tot 1993 bestuursvoorsitter by Mærsk, en in 2012 oorlede is. Die skip is die eerste in 'n reeks van twintig identiese skepe wat gebou word.

Die skip het 'n laaikapasiteit van 18 270 TEU houers en kan 'n maksimum snelheid van 23 knope bereik. Die bemanning bestaan normaalweg uit negentien persone.