MD-skyf

in Wikipedia, die vrye ensiklopedie
Spring na: navigasie, soek

Die MD-skyf (MD Disc) is 'n ontwikkeling van Sony, wat destyds 'n teenvoeter teen Philips se Compact Cassette was, maar dit was nie baie suksesvol nie.

Die skyf werk volgens die opto-magnetiese tegnologie. Al twee hierdie komponente moet saamwerk om inligting op die media te kan skryf of verander, sodat dit redelik veilig is.

Die MD-skyf is gebruik in die MD-speler en in die MD-Walkman van Sony, wat 'n 74 minute en later 80 minute speeltyd toegelaat het. Opname en weergawe was moontlik, soos by 'n kasetbandopnemer, maar slegs op 'n skyfmedium en digitaal pleks van analoog. Hierdie tegnologie het twee mediums nodig gehad om die inligting op te neem: magnetisme en hitte vanaf die laser. Slegs waar die laserlig die magnetiese oppervlak warm gemaak het, is die inligting deur die magnetiese kop verander (opgeneem). So mee was daar (vir die tyd) 'n hoë skryfdigtheid moontlik. Sony het later ook nog 'n Hi-MD formaat aangebied wat ook nie baie suksesvol was nie. Hulle was van plan om die CC/Compact Cassette = kompakkasset, (uitgevind deur Philips), daarmee af te los. Dit was egter onsuksesvol.

Sien ook[wysig]