MP 40

MP40 — Deur Erma vervaardig in 1943, met ‘n uitvoubare kolf.

Die MP 40 (Maschinenpistole 40) is 'n submasjiengeweer wat 9×19 mm Parabellum-patrone gebruik. Dit is in Nazi-Duitsland ontwikkel en op groot skaal deur die Spilmoondhede tydens die Tweede Wêreldoorlog gebruik.

Dit is in 1938 ontwerp deur Heinrich Vollmer met inspirasie van sy voorganger, die MP 38, en is baie gebruik deur infanteriste (veral peloton- en groepleiers), en deur valskermsoldate, aan die Oos- en Westelike Fronte sowel as gepantserde gevegvoertuie-spanne.Sy gevorderde en moderne kenmerke het dit 'n gunsteling gemaak onder soldate en gewild in lande van verskeie wêrelddele na die oorlog. Dit is dikwels deur die Geallieerdes "Schmeisser" genoem, na Hugo Schmeisser, wat die MP 18 ontwerp het, hoewel hy nie betrokke was by die ontwerp of vervaardiging van die MP 40 nie. Die wapen se ander variante het die MP 40/I en die MP 41 ingesluit Van 1940 tot 1945 is na raming 1,1 miljoen deur Erma Werke vervaardig.