Mark (ekonomie)
Die mark of markomgewing is die omgewing wat onmiddellik buite die ondernemingsvlak geleë is en wat die onderneming op verskeie maniere beïnvloed. Alhoewel die meeste van hierdie faktore nie deur die onderneming beheer kan word nie, is daar tog 'n mate van invloed wat die onderneming kan uitoefen om die markomgewing te affekteer. Sonder verbruikers kan geen onderneming oorleef nie en alhoewel dit nié aan voornemende verbruikers kan voorskryf wat om te koop of wanneer en waar hulle hul aankope moet doen nie, kan dit in 'n redelike mate die optrede van verbruikers beïnvloed, deur seker te maak dat hulle goeie kliëntediens lewer, 'n redelike prysbeleid handhaaf en terselfdertyd op die lewering van gehalteprodukte gefokus is.
