Mars-poollandingstuig
Die Mars-poollandingstuig (Engels: Mars Polar Lander of Mars Surveyor '98 Lander) was 'n robotlandingstuig van 290 kg wat op 3 Januarie 1999 deur Nasa gelanseer is om die grond en klimaat van Planum Australe, 'n streek naby die suidpool van Mars, te bestudeer. Dit was deel van die Mars Surveyor '98-sending.
Op 3 Desember 1999, nadat die tuig sy nadering van die planeet moes voltooi het, het dit nie weer kommunikasie met die aarde hervat nie. In 'n ontleding van die voorval is vasgestel die waarskynlike rede was dat die enjinvuur vir die landing te gou gestaak is en die tuig die planeet teen 'n hoë snelheid getref het.[1]
Die totale koste van die landingstuig was $165 miljoen (destyds amper R1 miljard).[2]
Verwysings[wysig | wysig bron]
- ↑ "Report on the Loss of the Mars Polar Lander and Deep Space 2 Missions" (PDF). Jet Propulsion Laboratory. 22 Maart 2000. Geargiveer vanaf die oorspronklike (PDF) op 2011-03-16.
- ↑ "Mars Polar Lander Mission Costs". The Associated Press. 1999-12-08. Besoek op 2020-09-30.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
