Maryana Iskander

in Wikipedia, die vrye ensiklopedie
Jump to navigation Jump to search
Maryana Iskander
ماريانا إسكندر
Photo of Maryana Iskander, smiling
Iskander in 2017
Gebore
Kaïro, Egipte
NasionaliteitAmerikaner
Alma materRice University
Trinity College, Oxford
Yale Law School
BeroepSosiale entrepreneur, advokaat
ToekenningsSkoll Award for Social Entrepreneurship (2019)

Maryana Iskander (/mˈærˌænɑː ɪskˈændər/; Arabies: ماريانا إسكندر‎) [1] is 'n Egiptiesgebore Amerikaanse sosiale entrepreneur en opgeleide advokaat. Vanaf Januarie 2022 sal sy die nuwe uitvoerende hoof van die Wikimedia-stigting wees. Iskander is die uitvoerende hoof van die Harambee Youth Employment Accelerator in Suid-Afrika en 'n voormalige bedryfshoof van die Planned Parenthood Federation of America in New York.

Vroeë lewe en opvoeding[wysig | wysig bron]

Maryana Iskander is in Kaïro, Egipte, gebore waar sy gewoon het voordat sy op vierjarige ouderdom saam met haar ouers na die Verenigde State geëmigreer het. Haar gesin vestig hulle in Round Rock, Texas.[2] Iskander het aan die Rice University studeer en 'n graad in sosiologie magna cum laude behaal in 1997, voordat sy haar MSc-graad aan die Universiteit van Oxford behaal het as 'n Rhodes-beurshouer in 1999.[2] In 2003 het sy afstudeer aan die Yale Law School.

Loopbaan[wysig | wysig bron]

Na sy by verskillende regsfirmas haar klerkskap gedoen het, word sy die bedryfshoof van Planned Parenthood in New York. Hierna het Iskander in 2012 begin werk as die bedryfshoof van Harambee Youth Employment Accelerator in Suid-Afrika voordat sy in 2013 die organisasie se hoof- uitvoerende beampte geword het, haar huidige rol. Harambee is daarop gefokus om werkgewers te verbind aan nuwelingwerkers om die jeugwerkloosheid te verminder. Iskander wil hê dat werkgewers die aanstelling en behoud van nuwelingwerkers nie as 'n liefdadigheidsdaad beskou nie, maar as 'n toepassing van hul talent.[3] Deur 'n groot groep werkers op te bou wat maklik is om te navigeer en te bewys dat die jeug suksesvol met hierdie metode in diens geneem kan word, kon Harambee hul pogings en doeltreffendheid skaal.[4] Gedurende haar tyd as uitvoerende hoof, het Harambee onder haar leiding een van Suid-Afrika se voorste nie-winsgewende organisasies geword, en 'n beduidende bydraer tot indiensneming van die jeug van Suid-Afrika. Teen Junie 2019 is werkgeleenthede aan 100 000 jong werkers gebied in vennootskap met 500 maatskappye.[5]

Op 14 September 2021 word Iskander aangewys as die inkomende uitvoerende hoof van die Wikimedia-stigting. Sy sal op 5 Januarie 2022 met haar werksaamhede begin.[6]

Verwysings[wysig | wysig bron]

  1. Maryana Iskander, Harambee Youth Employment Accelerator. Devex. 2019-06-18.
  2. 2,0 2,1 "Maryana F. Iskander, 2001". Paul & Daisy Soros Fellowships for New Americans. P'unk Ave. Geargiveer vanaf die oorspronklike op 25 Februarie 2020. Besoek op 25 Februarie 2020.
  3. "Conscious Companies awards applauds 2019 finalists". IOL. Independent Media and affiliated companies. Geargiveer vanaf die oorspronklike op 26 Februarie 2020. Besoek op 26 Februarie 2020.
  4. "Harambee, Youth Employment Accelerator, winner in NGO's category". Mail & Guardian Online. Geargiveer vanaf die oorspronklike op 26 Februarie 2020. Besoek op 26 Februarie 2020.
  5. "Youth-owned township businesses complain of market access barriers". IOL. Independent Media and affiliated. Geargiveer vanaf die oorspronklike op 26 Februarie 2020. Besoek op 26 Februarie 2020.
  6. Lima, Cristiano (2021-09-14). "Wikimedia taps leader of South African nonprofit as its next CEO". Washington Post (in Engels). ISSN 0190-8286. Geargiveer vanaf die oorspronklike op 2021-09-14. Besoek op 2021-09-14.