Moklobemied

in Wikipedia, die vrye ensiklopedie

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Moklobemied is 'n omkeerbare inhibeerder van monoamienoksidase (MAO) en inhibeer selektief die A-vorm van die ensiem. Op hierdie wyse lei dit dan tot toename in konsentrasie van serotonien, noradrenalien, adrenalien en dopamien sonder om tiramien noemenswaardig te beïnvloed. Anders as standaard MAOI's, het dit minder newe effekte - veral t.o.v. kardiovaskulêre stelsel (hipertensie), enkefalopatie, lewertoksisiteit of hipertermie.

Moklobemied se struktuurformule

Aanduidings: Major depressiewe versteuring; Sosiale fobie

Dosering: 150–600 mg daagliks, verkieslik in verdeelde dosisse.

Moklobemied moet gewoonlik nie saam met ander antidepressante geneem word nie, weens spesifieke middel-interaksies. 'n Uitwasperiode van minstens vier tot vyf halfleeftye is aangedui. By fluoksetien is die periode tot vyf weke voor met moklobemied begin kan word.

Bronnelys[wysig | wysig bron]

South African Medicines Formulary. 6de uitgawe. SAMA: Health and Medical Publishing Group. 2003.

Hierdie artikel is in sy geheel of gedeeltelik vanuit die Engelse Wikipedia vertaal.