Mwari

Mwari is die oppergod van die Vendas en die Sjonas.

Vir die Venda in Suid-Afrika was Mwari oorspronklik ‘n heldhaftige halfgod. Vir die Karanga en die Kalanga van die Sjona in die suidelike deel van Zimbabwe is Mwari ‘n reën- en vrugbaarheidsgod. Hul openbare godsvererings vind hoofsaaklik plaas in ‘n grot in die Matopos en priesters, mediums, dansers en waarsêers word daarby betrek. Dit het as doel die versoening van die voorvadergeeste, stamgeeste en ‘n menigte ander beskermheiliges sodat stamlede verseker kan wees van goeie gesondhied, voorspoed, oorvloedige reën, ‘n goeie oes en die vrugbaarheid van mens en dier.

Lees ook

• Heitsi-eibib
• Modimo
• Raluvhimba
• Umvelinquange
• Unkulunkulu
• Tradisionele Afrika-godsdiens

Bibliografie

• Standard Encyclopaedia of Southern Africa, deel 9. Kaapstad: Nasou, 1973. ISBN 0-625-00325-X
• van Reeth, Adelaïde: Ensiklopedie van die mitologie. Kaapstad: Vlaeberg, 1994. ISBN 0-947461-57-4