N.P. van Wyk Louw
Biografie
Nicolaas Petrus van Wyk Louw is op 11 Junie 1906 in Sutherland in die Kaap gebore. In 1920 verhuis die Louw gesin na Kaapstad waar hy sy skoolloopbaan voltooi. Ná matrikulasie studeer Louw filosofie en Duits in Kaapstad en word hy vir ’n tyd lank onderwyser voordat hy tot in 1930 dosent in die opvoedkunde aan die Universiteit van Kaapstad aangestel is.
In 1930 is N.P. van Wyk Louw getroud met Joan Wessels, wat egter in 1938 beëindig word - hy is later met Truida Pohl getroud. Sedert 1948 woon die Louws in Europa waar hy 'n pos as hoogleraar in die Suid-Afrikaanse letterkunde, geskiedenis en kultuur aan die Universiteit van Amsterdam tot en met 1958 bekleë het. Met sy terugkeer vestig hulle in Johannesburg waar hy vanaf 1960 as hoof van die Departement Afrikaans en Nederlands aan die Universiteit van die Witwatersrand aangestel is.
N.P. van Wyk Louw sterf op 18 Junie 1970.
Louw dig aanvanklik in Engels, maar onder inspirasie van sy jonger broer, die digter W.E.G. Louw publiseer hy in 1935 en 1937 die baanbrekende bundels Alleenspraak en Die Halwe Kring. Sedertdien word hy beskou as hooffiguur van die sogenaamde 'Dertigers' en sy dramas en digbundels verwerf klassieke status. Die skrywer Karel Schoeman beskou Louw as Suid-Afrika se grootste digter "en een van die min figure van wêreldformaat wat hierdie land nog opgelewer het".
Bibliografie
- Alleenspraak (1935)
- Berigte te velde : opstelle oor die idee van 'n Afrikaanse nasionale letterkunde (1939)
- Lojale verset : kritiese gedagtes oor ons Afrikaanse kultuurstrewe en ons literêre beweging (1939)
- Raka (1941)
- Die dieper reg : 'n spel van die oordeel oor 'n volk (1947)
- Dias : 'n hoorspel (1952)
- Nuwe Verse (1954)
- Germanicus (1957)
- Liberale nasionalisme : gedagtes oor die nasionalisme, liberalisme en tradisie vir Suid-Afrikaners met 'n kulturele nadrup (1958)
- Dagboek van 'n soldaat : 'n hoorspel (1961)
- Tristia (1962)
- Berei in die woestyn : n sinne- en wa-spel (1968)
- Blomme vir die winter : 'n hoorspel (1974)
- Deurskouende verband (1977)
Bronne
- Olivier, Gerrit. N.P. van Wyk Louw. In: Van Coller, H.P. (red.). 1998. Perspektief en Profiel. Deel I. Pretoria: J.L. van Schaik: 615-635, ISBN 0627023460.