NG gemeente Brandwag
Die NG gemeente Brandwag was 'n kortstondige gemeente van die Nederduitse Gereformeerde Kerk in die noordwestelike voorstad van Bloemfontein met dieselfde naam.
Die gemeente is in 1973 afgestig. Die kerkgebou is in 1976 op ’n perseel op die hoek van Melvilleweg, McHardyweg en Poolestraat in die voorstad Brandwag gebou nadat die gemeente geld daarvoor ingesamel het. Die argitek was N.J. (Nico) le Roux, wat ’n gebou soortgelyk aan die ontwerpe van Hans Koorts ontwerp het.
Die kerkperseel grens aan ’n sakepark en woongebiede. Vroeg in die 20ste eeu het die aard van die buurt verander soos die geval in die aangrensende Westdene was toe ál meer sakeondernemings hier kom vestig het. Die demografie van die omgewing het ook verander namate huis omskep is in studenteverblyf.
Dit het gelei tot ’n afname in die gemeente se lidmaattal en finansiële probleme. In 1999 is dit ingelyf by Bloemheuwel. Eers het die Baptistekerk Kairos die gebou gehuur, toe ’n ander genootskap, maar in 2012 die Sofar-kerk van Bloemfontein dit begin huur terwyl die gemeente Bloemheuwel dit steeds besit het.