NG gemeente Mondeor

in Wikipedia, die vrye ensiklopedie
Jump to navigation Jump to search
Die kerkgebou by Dalehamweg 30, Alan Manor

,

Die binnekant van die gemeente se kerkgebou, einde 2017.
Die hoeksteen van die kerkgebou.

Die NG gemeente Mondeor is ’n gemeente van die Nederduitse Gereformeerde Kerk in die Ring van Turffontein en die Sinode Hoëveld.

Die gedurige afname in die lidmaattalle van die gemeentes in die suide van Johannesburg het Mondeor later en minder drasties getref as die ander gemeentes in die ring, want in 1985 het Mondeor ’n sieletal van 1 020 gehad, 10,4% van die totaal, in 1995 (nadat Doornkop by Mondeor ingelyf is) was dit 1 490, 19,2% van die totaal, maar in 2016 net 515, hoewel Mondeor se aandeel in daardie jaar toegeneem het tot 25,3% weens ’n selfs skerper afname in die ander sewe gemeentes se sieletal. Die ander sewe gemeentes se gemiddelde sieletal was toe sowat 215.

Mondeor het op 6 September 1961, dieselfde dag as Kroonrand in Ridgeway, van die toe 11 jaar oue moedergemeente Johannesburg-Suid afgestig. So vinnig was die toename in die Afrikaanse bevolking van die suide van Johannesburg destyds dat Johannesburg-Suid in 1957 die gemeente Danie Theron kon afstig en in 1959 Grasmere, wat later die naam Spioenkop gekry en oorgedra is aan die Sinode van Wes-Transvaal (nou Goudland).

Ds. G.J. Erasmus het die hoeksteen van Mondeor se kerkgebou by Dalehamweg 30, Alan Manor, op 9 September 1967 gelê, drie dae ná die gemeente se sesde verjaardag.

Bron[wysig | wysig bron]