Natuurwetenskappe-geboue UP

in Wikipedia, die vrye ensiklopedie
Jump to navigation Jump to search
Die Natuurwetenskappe I-gebou op die Hatfieldkampus van die Universiteit van Pretoria

Die Natuurwetenskappe I-gebou op die Hatfieldkampus van die Universiteit van Pretoria is opgerig om die Departemente Chemie en Fisika te huisves en ook om ’n veilige fasiliteit vir die Universiteit se hoofraamrekenaar te verskaf. Die gebou is deur die argitek Philip Viljoen van Steyn en Viljoen ontwerp en is in September 1987 ingewy deur UP-alumnus, Dr. Anton Rupert. Die gebou beskik oor 'n gespesialiseerde stelsel om gasse onder druk na laboratoriums in die gebou te verprei. In 1992 is die Camera Obscura bo-op die gebou aangebring en dit het ’n gewilde attraksie geword vir besoekers aan die kampus.[1]

Die Natuurwetenskappe II-gebou is ontwerp deur die argitekfirma Meiring en Naude in ’n styl wat eienskappe van die Neo-Brutalistiese styl toon. Hierdie gebou is in 1961 opgerig om die Departemente van Wiskunde, Toegepaste Wiskunde en Statistiek te huisves. Toe die Departement Wiskunde in 1982 uitgetrek het, het die gebou bekend geword as die Toegepaste Wiskunde-gebou. Dit staan tans bekend as die Natuurwetenskappe II-gebou. [2]

Verwysings[wysig | wysig bron]