Nederlands Bijbelgenootschap

in Wikipedia, die vrye ensiklopedie
Kantoor van die Nederlandse Bybelgenootskap in Zijlweg, Haarlem

Die Nederlands Bijbelgenootschap ((af) Nederlandse Bybelgenootskap) is ’n vereniging wat hom beywer met die vertaling, verspreiding en voorligting oor die Bybel. Hierdie organisasie is in Haarlem geleë.

Geskiedenis[wysig | wysig bron]

Die Nederlandse Bybelgenootskap is in 1814 op inisiatief van die Britse en Buitelandse Bybelgenootskap gestig.

Die Nederlandse Bybelgenootskap spits hom tot die verspreiding van Bybels toe en laat evangelisasiewerk aan ander organisasies oor.

Die eerste aktiwiteite was geskoei rondom die inkoop en uitdeel (of verkoop teen lae pryse) van Bybels of Bybelgedeeltes. Op 8 November 1815 berig die NBG in sy jaarverslag:

  • 2208 Nuwe Testamente en Bybels is aangekoop
  • 1894 Nuwe Testamente en Bybels is verkry
  • 1608 eksemplare is uitgedeel, onder andere aan gevangenes, Sondagskole en die armes in die Baptistekerk.

Die NBG het ook Bybels in ander tale versprei. Vanaf 1823 lei die NBG Nederlandse taalkundiges op om die Bybel in Javaans en in ander Indonesiese tale te vertaal.

Vanaf 1847 het die NBG ook self Bybels uitgegee.

Na die Tweede Wêreldoorlog is die vertaalwerk ten bate van ander tale as Nederlands aan die Wêreldbond van Bybelgenootskappe oorgedra.

Sedert die tweede helfte van die twintigste eeu word daar by die vertaling en uitgee van Bybels met die Katolieke Bybelstigting saamgewerk. Vir die wetenskaplike ondersteuning van die vertalingsprojek van die Nuwe Bybel (vir die Ou Testament) is daar ook met Joodse teoloë saamgewerk.

In 2003 word die beheer oor die uitgewery van die Nederlandse Bybelgenootskap aan die Uitgeversgroep Jongbloed in Heerenveen oorgedra, sodat die NBG meer op sy missie kon konsentreer.

Die NBG het baie plaaslike vertakkings, met in totaal meer as 2 500 vrywilligers. Hulle werk saam met die Wêreldbond vir Bybelgenootskappe.

Uitgawes[wysig | wysig bron]

  • NBG-vertaling van die Bybel (1951)
  • Groot Nieuws voor U (1972)
  • Groot Nieuws Bijbel in samewerking met die Katolieke Bybelstigting (1983)
  • De Kijkbijbel: Verhalen uit het oude en nieuwe testament, geïllustreer deur Kees de Kort (1992)
  • Nieuwe Bijbelvertaling in samewerking met die Katolieke Bybelstigting (2004)

Eksterne skakels[wysig | wysig bron]