Normal Adolescent Behavior

in Wikipedia, die vrye ensiklopedie
Jump to navigation Jump to search
Normal Adolescent Behavior
Regisseur Beth Schacter
Draaiboek Beth Schacter
Met Amber Tamblyn
Ashton Holmes
Raviv Ullman
Musiek deur Craig Deleon
Kinematografie Harlan Bosmajian
Redigeerder Benjamin Meyer
Verspreider New Line Cinema
Uitgereik 1 September 2007
Speeltyd 95 minute
Land Verenigde State van Amerika
Taal Engels
IMDb-profiel

Normal Adolescent Behavior is 'n 2007 dramarolprent wat deur Beth Schacter geskryf en geregisseer is. Die prent was 'n amptelike keur van die 2007 Tribeca-rolprentfees.

Die rolprent handel oor 'n groep beste vriende wat in 'n sterk sesledige verhouding verkeer. Hulle voel dat hul teenwoordigheid in hierdie groep — en hierdie groep alleen — meer vervullend is en oor die algemeen beter is as konvensionele tienerverhoudings. Wendy (Amber Tamblyn) begin hierdie ooreenkoms egter bevraagteken wanneer sy die buurseun ontmoet.

Intrige[wysig | wysig bron]


Pretbederwerswaarskuwing: Die storielyn of storie se einde volg hieronder.


Wendy, Billie en Ann is seniordogters by 'n privaatskool en bestee al hul vrye tyd met medestudente Jonah, Price en Robert. Die ses is al vriende sedert laerskool en hul vriendskap het in 'n ses-persoon seksuele verhouding gemorfeer. Elke week ruil hulle seksmaats uit; hul trou is aan die groep en nie aan een persoon nie. Die ses vriende wil nie net hoërskool oorleef nie — hulle wil die kleinigheid daarvan oortref. Hul vriendskappe is intensief, veral tussen Billie en Wendy. Ná studenteoriëntering ontmoet Wendy Sean, 'n nuwe senior wat vanaf Chicago verhuis het; hy leer haar "versteekte bleeksiel" ken en sy herken gou 'n gees in hom waarmee sy kan vereenselwig. Hul verhouding ontaard gou in 'n romantiese (seksuele) een en Wendy vind dit moeilik om te besluit tussen haar egte aangetrokkenheid en behoefte aan Sean, en haar verpligting tot en geloof in die groep. Wendy begin die grense van haar eed aan haar vriende toets en Billie besef dat sy sal moet veg indien sy haar beste vriending wil behou. Dít is nie veronderstel om moeilik te wees nie, aangesien elk van die tieners 'n boks vol mementos van hul seksuele ervaringe versamel het en Billie haar reputasie en verhouding binne 'n oogwink kan vernietig indien Wendy besluit om die groep te verlaat. Terwyl Wendy probeer besluit tussen Sean en haar vriende, ontmoet Wendy se jonger broer, Nathan, Sean se moeder, Helen, wat drie weke wag voordat haar nuwe werk aanvang. Nathan ontwikkel 'n groot crush op haar en gebruik sy aansienlike kookvaardighede om by haar aan te lê.

Wendy bestee nog 'n Saterdag met die groep en sy is onbekwaam om Sean te "verkul"; haar huiwering om seks te hê is al wat Billie benodig om haar te beskuldig. Nadat die dames baklei, ontlaai Wendy haar frustrasie op 'n lukrake paartjie wat gereeld voor haar huis in hul motor vry. Ryan, wat die groep voorheen verlaat het, hoor dar Wendy uit die groep is en probeer vriende met haar raak, maar Wendy hou nie waarvan Ryan geword het nie — 'n onderdanige wasgoedlap van 'n nooi. Sean en Wendy probeer om 'n "normale" paartjie te wees, maar die groep toets hul verhouding gou: Bille plaas die boks aandenkings in Sean se sluitkas. Wendy beweer dat sy nie bang is nie; sy weet dat Sean haar liefhet. Al is dit waar, sien Sean die foto's in die boks wat 'n lewensduur van seksuele eksperimentasie dokumenteer en stel 'n ultimatum aan haar: Wendy kan die boks verbrand, die groep verlaat en 'n normale nooi wees, of hulle kan hul verhouding verbreek. Wendy beweeg van die een ultimatum na die ander. Wanneer sy waarneem hoe Billie deur die ander studente getart word omdat sy alleen is, probeer sy haar troos. Billie nooi Wendy terug na die groep — so sterk is Billie se liefde vir haar. Billie besef dat Wendy daadwerklik die groep mag verlaat, en gevolglik toets sy haar deur haar te druk om Ryan, 'n dame wat die groep die vorige jaar saam met haar ou, Aaron, verlaat het, in die openbaar te tart. Sean beleef die brutale toneel waar Ryan se verlede as 'n wapen teen haar gebruik word. Wendy is gebroke omdat sy haarself toegelaat het om deur Billie rondgestoot te word. Wendy neem egter 'n brawer en sterker besluit — om alleen te wees. Sy onthul dat al die ouens in die groep al die meisies op sekere punte in die verlede verkul het. Price het tydens die lentevakansie weggegaan en met iemand anders omgang gehad en gevolglik die hele groep skaamluise (crabs) gegee. Jonah en Robert is op mekaar verlief en slaap al drie jaar saam. Die meisies in die verhaal — Wendy, Ryan, Ann en Billie — moet almal die volgende hoofstuk van hul lewens alleen aandurf, en vir die eerste keer sien ten minste Wendy die moontlikhede wat hierdeur gebied word.

Rolverdeling[wysig | wysig bron]

Eksterne skakels[wysig | wysig bron]