Oligargie

in Wikipedia, die vrye ensiklopedie
Spring na: navigasie, soek

Oligargie (ὀλιγαρχία (oligarkhía); ὀλίγος (olígos), "min", en ἄρχω (arkho), "om te regeer of gebied")[1][2][3] is 'n soort magstruktuur waarin mag effektief berus by 'n klein getal persone. Hierdie mense kan hul onderskei deur monargale of familiebande, rykdom, opvoeding, korporatiewe, godsdienstige of militêre beheer. Sulke state word dikwels beheer deur 'n paar toonaangewende families wat tipies hulle invloed van een geslag na die volgende oordra, maar oorerflikheid is nie 'n nodige voorwaarde vir die toepassing van hierdie term nie.

Regdeur die geskiedenis was oligargieë dikwels tirannies, d.w.s. van publieke onderhorigheid of onderdrukking afhanklik vir hul voortbestaan, alhoewel ander weer gesien is as betreklik amikaal of diensvaardig. Aristoteles het hierdie term aangevoor as 'n sinoniem vir regering deur die rykes,[4] waarvoor die eksakte term "plutokrasie" is. 'n Oligargie is nietemin nie altyd regering deur welgesteldes nie, aangesien oligarge bloot uit 'n bevoordeelde groep kan bestaan, en hoef, soos in die geval van 'n monargie, nie by wyse van welstand of bloedverwantskap tot mekaar verbind te wees nie.

Kyk ook[wysig | wysig bron]

Verwysings[wysig | wysig bron]

  1. "ὀλίγος", Henry George Liddell, Robert Scott, A Greek-English Lexicon, in die Perseus Digital Library
  2. "ἄρχω", Liddell/Scott.
  3. "ὀλιγαρχία". Liddell/Scott.
  4. Winters (2011) p. 37