Osoonlaag

in Wikipedia, die vrye ensiklopedie

In die stratosfeer van die atmosfeer word die osoonlaag aangetref. Die osoonlaag is veronderstel om reg oor die wêreld dieselfde digtheid te hê, maar weens besoedeling en ander faktore, het daar 'n gat in die osoonlaag ontstaan. Dit is 'n wêreldwye probleem.

Wêreldwyd is die klimaat besig om te verander. Die poolys smelt, wat 'n styging in die seevlak veroorsaak. Boere se oeste word vernietig weens te veel reën. Dit lei tot 'n afname in voedselproduksie, wat lei tot 'n vermindering in bevolkingsgroei. Toerisme lei ook onder die "gat". Die afname in reënval beïnvloed watervalle, damme en riviere. Dit lei tot 'n afname in toeriste wat sulke gebiede besoek. Dié aspek benadeel ook die ekonomie van die land.

Impak op mense en diere[wysig | wysig bron]

Die mens het 'n groter kans om velkanker op te doen as gevolg van die hoeveelheid UV-strale wat die aarde bereik. 'n Afname in fitoplankton lei tot 'n afname in seelewe. Vis-etende diere se voedsel word daarmee uit hulle bekke geneem.

Moontlike oplossings[wysig | wysig bron]

Produksie van chloorfluoorkoolstowwe is reeds in 1997 verbied. Ongelukkig neem hierdie gasse 100 jaar om te verdwyn. Die gasse sal dus vir dekades nog die osoonlaag vernietig.

Petroleum word meer "atmosfeervriendelik" gemaak, asook vele ander, soos aerosol-reukweerders.

Vordering van oplossings:

  1. Chloorfluoorkoolstowwe is reeds verban
  2. Osoonvriendelike produkte is reeds beskikbaar
  3. Petroleum is meer osoonvriendelik