Ou Letteregebou

in Wikipedia, die vrye ensiklopedie
Jump to navigation Jump to search
Die Ou Lettere met die Geestes-wetenskappegebou in die agtergrond
Rooiletsjwe-standbeeld voor die Ou Lettere, 'n geskenk deur oudstudente Anton en Huberte Rupert as blyk van waardering vir inspirerende leiding deur Prof. C.H. Rautenbach tydens sy termyn as rektor (1948–1970)

Die Ou Letteregebou is geleë op die Universiteit van Pretoria se kampus in Pretoria en was een van die eerste geboue wat op die terrein opgerig is. Die gebou is geleë aan die oostelike punt van 'n oop grasplein teenoor die fakulteit Ingenieurswese aan die westelike punt van die plein. Die planne vir die gebou is opgestel deur die amptelike stadsargitek in diens van die Department van Openbare Werke. Op 3 Augustus 1910 het Goewerneur-generaal Gladstone die hoeksteen van die Ou Letteregebou gelê. Die gebou is opgerig deur JJ Kirkness en in 1911 waarna die universiteit na die huidige kampus getrek het.

Plaaslike sandsteen is gebruik om die gebou te bou en die styl herinner aan die Franse Renaissance styl. Die gebou het 'n kenmerkende kloktoring en die gebrandskilderde venters vertoon die skild van die Transvaalse Universiteits Kollege (T.U.K.).[1]

Die gebou huisves die Mapungubwe Museum in die noordelike vleuel van die boonste verdieping waar 166 000 artefakte uit die Mapungubwe argeologiese uitgrawing uitgestal word. In die suidelike vleuel van die boonste verdieping word die Van Tilburg Museum gehuisves wat toegespits is op Suid-Afrikaanse oudhede en beskik oor die grootste versameling Oosterse keramiek in die suidelike halfrond. Daar word ook beplan dat 'n versameling bronsbeelde uit die Anton van Wouwversameling in die sentrale toringgedeelte van die gebou uitgestal sal word.[2]

Verwysings[wysig | wysig bron]

  1. SA History, The Ou Letteregebou, besoek op 14 Januarie 2007]
  2. UP, 'n Landmerk word tot sy vorige glorie herstel, besoek op 14 Januarie 2007

Eksterne skakels[wysig | wysig bron]