Ploeg (werktuig)

in Wikipedia, die vrye ensiklopedie
Spring na: navigasie, soek
'n Wieleploeg getrek deur 'n dubbelspan
'n Ploegvoor

Die ploeg is 'n landbouwerktuig wat in die akkerbou gebruik word om die grond, waarin 'n gewas gesaai of geplant word, om te keer, te verkrummel en voor te berei.

Die ploeg is 'n verdere ontwikkeling van die hak en die eergetou oftewel haakploeg, en word oorspronklik deur mense of lasdiere soos osse en perde getrek. Die haakploeg skeur deur die grond en maak slegs 'n oop gleuf. 'n Volgende ontwikkeling was die montering van 'n keerblad onder die ploegboom wat verder voorsien word met twee wiele aan die voorkant. Daarmee was die keerploeg gebore. Dié keerblad keer die grond om, sodat die ondergrond bo kom en die oppervlak met onkruid, wortels en reste van 'n vorige oes ondergeploeg word.

Die basiese onderdele van 'n ploeg is: 'n skaar, 'n voorloper, 'n snede en die keerblad. Daar is verskillende tipes ploeë, volgens grondsoort; byvoorbeeld sand, leem of klei, of volgens die bouwerk; eenskaar of meerskarig, wentelend of rondgaend.

Ploeë is noodsaaklik om die grond losser te maak, waardeur hulle die bodemstruktuur en afwatering verbeter en die saai en ontkiem van gewasse vergemaklik. Met 'n ploeg word die oorskot van die reeds geoeste gewas met sy wortels sowel as onkruid ondergeploeg, waardeur dit as bemesting dien.

Sien ook.[wysig | wysig bron]

Eksterne skakels[wysig | wysig bron]