Pond Sterling van Jersey

in Wikipedia, die vrye ensiklopedie
Spring na: navigasie, soek
1/12 Shilling van 1913

Die Pond Sterling van Jersey is die amptelike geldeenheid van die Bailiwick of Jersey, die grootste van die Kanaaleilande. Die Pond van Jersey is saam met die Pond Sterling van Guernsey en banknote van die Bank van Engeland, asook van Skotland, wettige betaalmiddel op die eiland.

Banknote van die State van Jersey[wysig]

Die Tesourier van die State van Jersey hou vir elke banknoot van 1 £ (Jersey), wat uitgegee word, £1,10 in banknote van die Bank van Engeland. Die Pond van Jersey is gevolglik 'n baie stabiele geldeenheid.

Die banknote, wat tans in omloop is, het 'n beeld van Koningin Elizabeth II op die voorkant en bekende bakens of historiese gebeurtenisse van Jersey op die agtersy. 'n Jersey-bees dien as watermerk.

  • 1 Pond-banknoot, groen, Parogiale kerk van Saint Helier
  • 5 Pond-banknoot, perskleur, La Corbière vuurtoring
  • 10 Pond-banknoot, rooi, Die dood van Majoor Pierson, Slag van Jersey (1781)
  • 20 Pond-banknoot, blou, Herehuis van Saint Ouen
  • 50 Pond-banknoot, bruin, Regeringsgebou

Muntstukke van Jersey[wysig]

Die muntstukke van Jersey wys die Koningin se profiel op die voorkant, terwyl daar 'n verskeidenheid ontwerpe op die agtersy is:

  • 1p Toring van Le Hocq
  • 2p L'Hermitage (woonplek van die Heilige Helier)
  • 5p Seymour-toring
  • 10p La Pouquelaye de Faldouet (dolmen)
  • 20p Vuurtoring van La Corbière
  • 50p Kasteel van Grosnez

Alhoewel ook pond-muntstukke uitgegee word, word hulle nie dikwels gebruik nie. Die ontwerpe van die agtersy sluit 'n reeks wapens van die twaalf parogieë van Jersey en historiese skepe, wat op die eiland gebou is, in.