Pousadas de Portugal

in Wikipedia, die vrye ensiklopedie
Jump to navigation Jump to search
Pousadas de Portugal
Pousada Hotel logo.svg

Bemvindos à Pousada.jpg
Tipe Konsessiesaak
Gestig 1941
Hoofkantoor Lissabon,Portugal
Gebied bedienPortugal
IndustrieHotelbedryf
MoedermaatskappyPortugese staatsbesit; Grupo Pestana Pousadas (konsessiehouer)
Webwerfpousadas.pt

Die Pousadas de Portugal [poˈzaðɐʒ ðɨ puɾtuˈɣaɫ] is 'n hotelketting wat oorspronklik in 1941 deur die Portugese staat gevestig is om historiese geboue soos kastele, herehuise en kloosters te bewaar en toerisme in Portugal te bevorder. Die ketting se huidige 34 hotelle kan luukse verblyfplekke wees wat nuut gebou is of tradisionele en geskiedkundige geboue.

Geskiedenis[wysig | wysig bron]

Die konsep om historiese geboue as hotelle te bedryf is deur die Portugese digter en toneelskrywer António Ferro (1885–1956) ontwikkel wat in die vroeë 1940's die Nasionale Propagandasektretariaat bestuur het. Die eerste nuut geboude Pousada het sy deure in 1942 in Elvas in die Alentejo-streek geopen en is tot en met 2012 bedryf. Die konsep was so suksesvol dat 'n hele netwerk van Pousadas dwarsoor Portugal ontstaan het, elkeen geleë in 'n aantreklike omgewing; tradisionele boukuns, interieur en meubilering; met 'n relatief klein aantal kamers en 'n restaurant wat aan die plaaslike eetkultuur aangepas is (en oop staan vir almal).

Ondanks hul gesofistikeerde styl was kamerpryse betreklik laag, en so is die maksimum verblyftyd vir gaste nog in die 1970's beperk tot vyf dae om te verhoed dat hotelkamers as permanente verblyfplek misbruik word. Nadat 'n dekade lank verliese aangeteken is, het die Portugese regering onder leiding van die eerste minister Jose Manuel Barroso in 2003 besluit om 49 persent van ENATUR, die hotelgroep se moedermaatskappy, te privatiseer. Ook die bestuur van die groep sou deur 'n privaat onderneming oorgeneem word. Op 1 September 2003 het die Grupo Pestana Pousadas (GPP) 'n konsessie ontvang om die hotelgroep oor 'n tydperk van twintig jaar te bedryf.

Sien ook[wysig | wysig bron]