Pryselastisiteit

in Wikipedia, die vrye ensiklopedie
Jump to navigation Jump to search

Die pryselastisiteit van die vraag (PEV) is ’n manier in ekonomie om die prysgevoeligheid, of elastisiteit, van die vraag na ’n produk of diens te meet as net die prys verander en niks anders nie. Dit is meer presies die persentasie van die verandering in vraag in reaksie op ’n prysverandering van een persent.

Pryselastisiteit is feitlik altyd negatief. Gewoonlik word gesê die vraag na ’n produk is onelasties (of relatief onelasties) as die PEV minder as een is (in absolute waarde), dus as ’n prysverandering ’n relatief klein verandering in die vraag teweegbring. Die vraag is elasties (of relatief elasties) as die PEV groter as een is (in absolute waarde), dus as ’n prysverandering ’n relatief groot uitwerking op die vraag het.

Inkomste is maksimaal as die prys soveel verhoog word dat die PEV presies een is.

Berekening[wysig | wysig bron]

Die PEV word bereken deur die verandering in vraag te deel deur die verandering in prys:

PEV = Verandering in vraag/Verandering in prys

Voorbeeld: As die prys van produk A styg van R2,00 tot R2,20 en die vraag daarna daal van 200 kg tot 150 kg, is die PEV:

-25%/-10% = -2,5

Eksterne skakels[wysig | wysig bron]