Pterostigma

in Wikipedia, die vrye ensiklopedie
Jump to navigation Jump to search
Die vlerk van 'n naaldekoker

Die Pterostigma is 'n sel wat aan die vlerke van insekte voorkom, wat dikwels verdik of gekleur is, en opvallend is. Dit is veral opvallend in naaldekokers en waterjuffers, maar ook in ander insekgroepe, soos raphidioptera, hymenoptera en megaloptera.[1]

Pterostigma van 'n Swerwertjie

Die pterostigma is die swaarste deel van 'n insek se vlerk, en dit verbeter die insek se sweefvermoë. Sonder die pterostigma sal vibrasies teen 'n sekere kritiese spoed op die vlerk plaasvind, wat dit vir die insek onmoontlik sal maak om te sweef. Toetse wat op 'n naaldekokerspesie gedoen is, toon dat met die pterostigma die kritieke sweefsnelheid met 10–25% laat toegeneem.[2]

Sommige waterjufferwyfies in die Calopterygidaefamilie het 'n pseudopterostigma. Dit kom op dieselfde deel van die vlerk as die pterostigma voor, maar word deur are deurkruis en het 'n ligter kleur as die omliggende areas van die vlerk.[3]

Bronne[wysig | wysig bron]

Verwysings[wysig | wysig bron]

  1. Definition of Pterostigma”. Amateur Entomologists' Society. URL besoek op 22 April 2017.
  2. Norberg, R. Åke. “The pterostigma of insect wings an inertial regulator of wing pitch”. Journal of Comparative Physiology A 81 (1): 9–22. doi:10.1007/BF00693547.
  3. Banded Demoiselle, Calopteryx splendens (Harris, 1782)”. The Online Field Guide. URL besoek op 22 April 2017.