Pyrrhusoorwinning
'n Pyrrhusoorwining is ’n oorwinning wat soveel moeite verg dat dit dieselfde effek as ’n nederlaag het. Met ander woorde, dit beteken dat iets soms soos 'n oorwinning kan lyk, terwyl dit eintlik 'n verlies is; 'n "valse" oorwinning.
'n Belangrike strategiese oorweging is of 'n mens genoeg reserwes het of verliese kan inhaal. Hiermee kan pyrrhusoorwinning of uitlokking daarvan deel wees van 'n uitputtingsoorlog. 'n Voorbeeld was die eerste fase van die Slag om Brittanje, waar die Luftwaffe die RAF doelbewus uitgelok het. Die RAF het minder reserwes as die Luftwaffe gehad en in hierdie fase was dit besonder moeilik om die uitputting van vlieëniers te voorkom, sodat die Luftwaffe gedreig het om die RAF uit te put.
Die frase is geneem uit die gevegte wat Pyrrhus, koning van Epirus (nou 'n provinsie van Griekeland), teen die Romeine in die 3de eeu vC geveg het. Hy het 'n groot aantal mans in twee seëvierende veldslae verloor. Toe een van sy generaals hom gelukwens ná die oorwinning by Ausculum, het hy geantwoord: "As ons nog so 'n stryd teen die Romeine wen, is ons almal klaar." (Plutarchus, Lewe van Pyrrhus, 21.9)[1] Voorbeelde van oorwinnings in die geskiedenis wat as pirrusoorwinnings gesien word, is:
- Die Slag van Asculum (279 vC),[2] Pyrrhus van Epirus verslaan die Romeine by Asculum.
- Die Slag van Malplaquet (11 September 1709[3][4]), oorwinning van die Nederlandse en Britse leërs oor die Franse in die Spaanse Opvolgingsoorlog.
- Die Slag van Bunker Hill (17 Junie 1775),[5] Britse oorwinning tydens die Amerikaanse Revolusie.
- Die Tweede Vryheidsoorlog (11 Oktober 1899 – 31 Mei 1902), met die Britte wat net teen die Boere gewen het; vir hierdie oorwinning het die Britte konsentrasiekampe nodig gehad.
- Die aanval van die dooies (6 Augustus 1915), waarin sterwende Russiese soldate wat deur gifgas geraak is, die Duitsers paniekbevange laat vlug het.
- Die Duitse landing op Kreta (20 Mei – 1 Junie 1941) tydens die Tweede Wêreldoorlog.
- Die Slag van die Santa Cruz-eilande (25 – 27 Oktober 1942), waarin die Keiserlike Japannese Vloot een vliegdekskip van die Verenigde State Vloot gesink en 'n ander ernstig beskadig het, teen 'n hoë koste in vliegtuie en vlieëniers.
- Die Slag van Hürtgen Forest (19 September 1944 – 10 Februarie 1945), waarin die Verenigde State Nazi-Duitsland (wat self ook groot verliese gely het) met groot verliese verslaan het.
- Die Slag van Choisin-reservoir (27 November – 13 Desember 1950[6]), oorwinning van die Volksrepubliek China tydens die Koreaanse Oorlog.
- Die Slag van Mogadishu (3 – 4 Oktober 1993), waarin Amerikaanse soldate twee luitenante van 'n Somaliese krygsheer gevange geneem het, maar groot gevegsverliese gely het nadat twee UH-60 Black Hawk-helikopters afgeskiet is.
Verwysings[wysig | wysig bron]
- ↑ Plutarchus (trans. John Dryden) Pyrrhus, gehuisves op The Internet Classics Archive
- ↑ Plutarch, Parallel Lives, The Life of Pyrrhus, https://penelope.uchicago.edu/Thayer/e/roman/texts/plutarch/lives/pyrrhus* .html | access-date = 26 Januarie 2017, volume IX, 1920, Loeb Classical Library
- ↑ Lynn, John A. (1999). The Wars of Louis XIV: 1667–1714. London: Longman. p. 334. ISBN 0-582-05629-2.
Marlborough's triumph proved to be a Pyrrhic victory
- ↑ Delbrück, Hans (1985). History of the Art of War, Volume IV: The Dawn of Modern Warfare. Vertaal deur Renfroe, Walter J. Eastport, Conn.: Praeger. p. 370. ISBN 0-8032-6586-7.
Malplaquet was wat met die eeue oue uitdrukking 'n "Pyrrhusoorwinning" genoem is."...
- ↑ Clinton, Henry (1954). Willcox, William B. (red.). The American Rebellion: Sir Henry Clinton's Narrative of His Campaigns, 1775–1782. Yale University Press. OCLC 1305132.
Nog 'n paar sulke oorwinnings sou binnekort 'n einde gemaak het aan Britse heerskappy in Amerika..
- ↑ Xu, Yan (徐焰) (1990) (in zh), 第一次较量：抗美援朝战争的历史回顾与反思, Beijing: Chinese Radio and Television Publishing House, p. 59, ISBN 978-7-5043-0542-8