Reduplikasie (taalkunde)

in Wikipedia, die vrye ensiklopedie
Spring na: navigasie, soek

Reduplikasie is, volgens die HAT (2005:916), die verdubbeling van letters of woorde. Byvoorbeeld die dubbel ‘m’ in mamma en dubbel ‘p’ in pappa. Dit is dus die reduplisering in lettergrepe. Verdere voorbeelde is die herhaling van 2 woorde na mekaar, soos nou-nou en gou-gou. Van Huyssteen (2014:197) definieer reduplikasie as die proses waar twee identiese komponentstrukture aan mekaar verbind om, sodat ’n nuwe woord met ’n nuwe betekenis kan vorm. Bv. As mens lag, beteken dit iets is snaaks, maar as mens sê lag-lag, beteken dit iets is maklik. Verder onderskei Van Huyssteen (2014:197) 3 soorte reduplikasies. Die eerste een is die egte-reduplikasie, bv. Gou-gou. Die tweede soort reduplikasie is eggowoordreduplikasies, die tweede woord klink amper soos die eerste woord, bv. woer-war. Die laaste soort reduplikasie is wat mens noem onomatopeïese reduplikasie, bv. die hoep-hoep. Combrink(1996) het nog ’n soort reduplikasie identifiseer, wat mens gedeeltelike reduplikasie noem. Dit is intensiewevorme, byvoorbeeld die woord ‘skat’ in skatryk en ‘gras’ in grasgroen. In die reduplikasie is die woord altyd links. Francois, het in 2009 ’n e-pos aan Yahoo gestuur en gesê dat hy gehoor het, Afrikaans is die enigste taal wat reduplikasie gebruik. Combrink (1996) het egter gesê dat reduplikasie in Europese tale voorkom, maar beperk is. Hy het ook gesê dat reduplikasie in Afrikaans hoogs produktief is. Ponelius(2001) het gesê dat reduplikasie wel in Nederlands voorkom, maar dat dit uiters beperk is. Hy het dus Combrink se stelling bevestig. Afrikaans se reduplikasie kom hoofsaaklik uit Maleis. Die dubbele ontkenning kan ook as ’n tipe reduplikasie gesien word. (Prinsloo, 2009). Ponelius(2001) het ook gesê dat Afrikaans se reduplikasie hoofsaaklik uit Maleis kom. Ter samevatting kan ons dus sien dat reduplikasie wel in ander tale voorkom, maar nie so baie soos in Afrikaans nie. Reduplikasie in Afrikaans word ook baie produktief gebruik.

Bronnelys[wysig]