Reggaeton

in Wikipedia, die vrye ensiklopedie

Reggaeton is 'n relatief nuwe musiekstroming. Dit ontstaan in die jare negentigs van die twintigste eeu in die "underground" van veral Panama, Puerto Rico en die Dominikaanse Republiek. Die kunsvorm is deur reggae, dancehall, hiphop en tradisionele Puerto Ricaanse musiek beïnvloed. Reggaeton word gekenmerk deur 'n dwingende, maar herhalende ritme wat die "Dem Bow" genoem word. Die naam is 'n verwysing na die titel van 'n liedjie wat deur Shabba Ranks gesing is en wat die ritme populêr gemaak het.