Rekenaarpoort

in Wikipedia, die vrye ensiklopedie
Spring na: navigasie, soek
Poorte op die Apple iBook (Vroeg 2003)

In rekenaarhardeware dien 'n poort as 'n koppelvlak tussen die rekenaar en ander rekenaars of toestelle in die vorm van 'n elektries bedrade hegstuk op 'n stuk toerusting waarin 'n prop of kabel gekonnekteer word. Hierdie hardeware poorte het verskillende fisiese vorme, groottes en eienskappe soos onder andere manlik, vroulik, rond, vierkantig, langwerpig ensovoorts. Daar bestaan verskeie standaarde ten opsigte van die fisiese eienskappe en funksies van poorte. Die meeste rekenaars het byvoorbeeld 'n poort vir 'n sleutelbord (tans meestal 'n ronde DIN6 vroulike poort).

Hardeware poorte kan bykans altyd in twee groepe verdeel word:

  • Serie-poorte stuur en ontvang een bis op 'n slag deur 'n enkele draadpaar (Grond en +/-).
  • Parallelle poorte stuur veelvuldige bisse op dieselfde tyd oor verskeie stelle drade.

Die stelselbus wat die stroombane insluit van 'n rekenaar se moederbord is 'n vorm van 'n parallelle poort.

Daar bestaan ook tegnologie om veelvuldige hardeware poorte in 'n enkele groep saam te voeg en sodoende 'n enkele verbinding te skep met 'n hoër bandwydte (Engels: Hardware port trunking of HPT). Hierdie tegnologie verskaf ook 'n hoër mate van foutspeling.

Sien ook[wysig | wysig bron]