Roeispaan

in Wikipedia, die vrye ensiklopedie
Jump to navigation Jump to search
Een van die oudste bekende roeispane uit ongeveer 6200 v.C., in Sleeswyk-Holstein gevind.

'n Roeispaan is 'n instrument wat gebruik word om 'n vaartuig (soos 'n kano, kajak of vlot) deur water voort te beweeg. Die aktiwiteit word roei genoem. 'n Roeispaan word van 'n roeiriem onderskei deurdat 'n roeiriem op die kant van die boot ondersteun word, terwyl 'n roeispaan geheel en al los van die boot hanteer word.

Tipe spane[wysig | wysig bron]

Daar is twee tipe roeispane:

  • 'n Enkellem-roeispaan het een lem (of blad) aan die einde van die steel. Aan die teenoorgestelde kant is daar gewoonlik 'n handvatsel. 'n Enkellem-roeispaan word ook 'n pagaai[1] genoem.
  • 'n Dubbellem-roeispaan het 'n lem (of blad) aan beide kante van die steel. Hierdie blaaie kan in hoek van 0 en 90 grade teenoor mekaar gedraai wees. Hoe groter die hoek, hoe minder die lugweerstand wat dit genereer. Sywinde kan dié voordeel egter in 'n nadeel omskep. Na gelang van die roeier se tipe slag en sy persoonlike voorkeur, kan die hoek ook help om die beweging van die polse te verminder.[2][3] Mens kry ook spane wat uit twee dele bestaan, waar die hoek self aangepas kan word.

Verwysings[wysig | wysig bron]

  1. HAT: Pagaai = skeproeispaan (s.nw.); gepagaai (ww.); Met 'n pagaai roei; pagaaier.
  2. (en) Greg Barton on Feather Angle
  3. (en) Feather Kayak Wiki

Eksterne skakels[wysig | wysig bron]