Rondebosch Biblioteek
Rondebosch-biblioteek is 'n openbare biblioteek in Rondebosch, Kaapstad, Suid-Afrika. Dit was in 2013 in die Stad Kaapstad, die 18de top-sirkulerende biblioteek.[1] Die biblioteek se besit kan met die Stad Kaapstad se aanlyn Open Public Access Catalogue (OPAC)[2] deursoek word.
Rondebosch Stadsaal[wysig | wysig bron]
Die biblioteek is in die voormalige Rondebosch se Stadsaal gehuisves. Die hoofbiblioteek is in die saal self geleë, wat nie meer vir openbare vergaderings gebruik word nie, asook op die verhoog en in twee sykamers, terwyl die kinderafdeling bo en op die balkon gehuisves is. Die gebou is deur George Murray Alexander ontwerp en in 1899 voltooi.[3] Benewens 'n groot openbare saal met 'n dak van meer as 10 m hoog, 'n verhoog en balkon, is die gebou ontwerp om munisipale kantore, 'n Openbare biblioteek en verversingslokale te hou. Die vertrek is gebou met growwe klip, wat 'n dowwe beige geverf is, en het hoë teakhout deure en trappe. 'n Gebrandskilderde venster bokant die deure na die balkon beeld die destydse Rondebosch munisipale wapen uit, en 'n uitsig oor Duiwelspiek en die Rondebosch-omgewing. Die oorspronklike portiek oor die voordeure was in 1969 herbou[4].
In Julie 2018 was Rondebosch Biblioteek vir die publiek gesluit weens die opknappings aan die dak en biblioteekinfrastruktuur.[5]
Die Biblioteek het op Woensdag, 28 Julie 2021 weer sy deure vir die publiek oopgemaak.
Verwysings[wysig | wysig bron]
- ↑ "Welcome to Library and Information Services (LIS)". City of Cape Town. Geargiveer vanaf die oorspronklike op 17 Julie 2014. Besoek op 26 Julie 2014.
- ↑ "OPAC". City of Cape Town.
- ↑ "Town Hall, Rondebosch – now Rondebosch library". Artefacts.co.za. Geargiveer vanaf die oorspronklike op 26 Julie 2014. Besoek op 26 Julie 2014.
- ↑ "Old Town Hall, Rondebosch, Cape Town". UCT Libraries Digital Collections. 17 November 1969. Besoek op 18 Februarie 2017.
- ↑ "Renovations on cards". News24 (in Engels). 5 Junie 2018. Besoek op 16 Oktober 2019.
Eksterne skakels[wysig | wysig bron]
Wikimedia Commons het meer media in die kategorie Rondebosch Biblioteek.
