Rooi-en-blou stoel

in Wikipedia, die vrye ensiklopedie
Jump to navigation Jump to search
Rooi-en-blou stoel

Die Rooi-en-blou stoel is 'n stoel wat in 1917 deur Gerrit Rietveld ontwerp is. Dit verteenwoordig een van die eerste verkennings van die De Stijl-kunsbeweging in drie dimensies.

Geskiedenis[wysig | wysig bron]

Die oorspronklike stoel is van ongebeitste beukenhout gemaak en dit is nie voor die vroeë 1920's vir die eerste keer geverf nie. [1] Bart van der Leck, 'n argitek en medelid van De Stijl het die oorspronklike model gesien en voorgestel dat helder kleure bygevoeg kan word. [2]Rietveld het die nuwe model van dunner hout gemaak en dit heeltemal swart geverf, met sekere areas wat met primêre kleure, wat aan die De Stijl-beweging toegeskryf is, geverf is. Die effek van hierdie kleurskema het tot gevolg gehad dat die stoel so te sê verdwyn het teen die swart mure en vloer van die Schröder-huis waar dit later geplaas is. [3] Dit lyk asof die kleurareas sweef, wat 'n byna deursigtige struktuur daaraan verleen. [4] 'n Oorspronklike voorbeeld van die stoel word in die Brooklyn-museum in New York uitgestal. [5]

In Rietveld se instruksies oor die bou van die stoel, gee hy aan die ambagsman opdrag om die volgende vers uit Der Aesthet deur Christian Morgenstern onder die stoel te druk:

Wenn Ich sitze, möchte Ich nicht
sitzen, wie Mein Sitzfleisch möchte
sondern wie Mein Sitzgeist sich,
Sagte er, den Stuhl sich flöchte. [6]
"As ek sit, wil ek nie / sit soos my sitvlees wil nie, / maar eerder soos my sitplekgees, / as hy sit, weef die stoel vir homself."

Die stoel, wat deur Philip Johnson geskenk is, is deel van die permanente uitstalling van die Museum of Modern Art. Volgens MoMa is die rooi, blou en geel kleure teen omstreeks 1923 bygevoeg. [7] 'n Weergawe van die stoel word ook by die High Museum of Art, Atlanta uitgestal. [8] Dit toon verskeie van Rietveld se voeë.

Die Rooi-en-blou stoel is aan die Delft Universiteit vir Tegnologie se Argitektuurfakulteit geleen om deel te vorm van 'n uitstalling. Op 13 Mei 2008 het 'n brand die hele gebou vernietig, maar die Rooi-en-blou stoel is deur brandbestryders gered.[9] 'n Weergawe van die stoel is in 2011 deur Christies vir € 10 625 verkoop.[10]

Sien ook[wysig | wysig bron]

  • Sig-sag-stoel

Verwysings[wysig | wysig bron]

  1. Victoria and Albert Museum. Modern Chairs, 1918–1970: an international exhibition presented by the Whitechapel Art Gallery in association with the Observer, arranged by the Circulation Department, Victoria and Albert Museum, 22 July–30 August 1970 (London: Whitechapel Gallery, 1970), 8.
  2. Klaus-Jürgen Sembach, Twentieth Century Furniture Design (Köln : Taschen, c2002), 93.
  3. Victoria and Albert Museum. Modern Chairs, 1918–1970: an international exhibition presented by the Whitechapel Art Gallery in association with the Observer, arranged by the Circulation Department, Victoria and Albert Museum, 22 July–30 August 1970 (London: Whitechapel Gallery, 1970), 8.
  4. Klaus-Jürgen Sembach, Twentieth Century Furniture Design (Köln : Taschen, c2002), 92. Victoria and Albert Museum. Modern Chairs, 1918–1970: an international exhibition presented by the Whitechapel Art Gallery in association with the Observer, arranged by the Circulation Department, Victoria and Albert Museum, 22 July–30 August 1970 (London: Whitechapel Gallery, 1970), 8.
  5. https://www.brooklynmuseum.org/opencollection/objects/97327
  6. Peter Drijver, Johannes Miemeijer, Rietveld meubels om zelf te maken (Bussum: Colophon, 2001), 28.
  7. [1]
  8. "Press Release". High Museum of Art. Geargiveer vanaf die oorspronklike op 2011-01-01. Besoek op 2009-11-20.
  9. TU Delft fire news story
  10. http://www.christies.com/lotfinder/Lot/the-red-blue-chair-designed-by-g-5415031-details.aspx/

Eksterne skakels[wysig | wysig bron]