Rooiwynkoek

in Wikipedia, die vrye ensiklopedie
Jump to navigation Jump to search

Rooiwynkoek (Duits Rotweinkuchen) is 'n Kersfeeskoek wat sy oorsprong in Suidwes-Duitsland en die Elsas het. Die sagte roerdeeg vir hierdie spesialiteit (met eiers, botter, suiker en gesifte koekmeelblom as hoofbestanddele) word met besondere geursels soos vanieljesuiker, kaneel, gerasperde sjokolade, kakao en 1/8 liter droë rooiwyn (soms ook nog 'n glasie rum) verfyn. Die twee laasgenoemde bestanddele gee die kenmerkende donkerbruin kleur aan hierdie koek.

Geskiedenis[wysig | wysig bron]

Soos alle ander koeke is rooiwynkoek vanweë die baie hoë suikerprys oorspronklik net op die koffietafels van welgesteldes bedien. Eers vanaf die 19de eeu het koeke met die grootskaalse verbouing van suikerbiet in Europa ook vir gewone mense bekostigbaar geword. Rooiwynkoek het veral in die Kersfeestyd al hoe gewilder geraak en is sodoende ook met tipiese Kersfeesgeursels soos kardamom en kaneel verfyn.[1] Immigrante het die resep ook na Noord-Amerika saamgeneem.

Verwysings[wysig | wysig bron]

Eksterne skakels[wysig | wysig bron]

Resepte