Ruimteskip Celeste
Ruimteskip Celeste
| |
|---|---|
| |
| Skrywer | Johann Bredell |
| Omslagontwerper | Jan van Tonder |
| Land | Suid-Afrika |
| Taal | Afrikaans |
| Onderwerp | Ruimtereise |
| Genre | Wetenskapsfiksie |
| Uitgewer | Daan Retief Uitgewers |
| Uitgegee | 1982 |
| Bladsye | 82 |
| ISBN | 0-86814-477-0 |
Ruimteskip Celeste is wetenskapsfiksie geskryf deur Johann Bredell (die skrywersnaam van snydokter en narkotiseur Jacobus Johannes Koekemoer) wat vir die ouderdomsgroep 10 – 14 bedoel was. Hierdie verhaal is verwerk tot radiovervolgverhaal en deur die SAUK uitgesaai.[1]
Intrige
[wysig | wysig bron]In 1981 is 250 Wiskunde- en Wetenskapleerlinge met die SAL Vlug 473 op pad na Amerika om 'n ruimtetuiglansering te gaan besigtig. Die straler beland in die berugte Bermudadriehoek en die vlieënier verloor beheer oor die vliegtuig.
Hulle word die volgende oomblik in die buitenste ruimte na 'n reusagtige ruimteskip aangetrek. Die straler land in die enorme hangar en die passasiers klim uit. Die ruimtetuig is heeltemal verlate en elkeen skop nes. Die ruimteskip word die Celeste gedoop.
Hef aan lê nog voor: die ruimteskip se werking en rekenaars moet ontrafel word om na die aarde terug te keer. Gou span Jan en Eddie hul besondere taalaanleg in om die taal van die voormalige ruimteskipbewoners te ontsyfer. Dit lyk verwant aan Indogermaans. 'n Paar seuns leer in die vlugnabootser hoe om met die vegvliegtuie van die ruimteskip mee te vlieg. Tydens die daaglikse patrollering word die seuns deur ander vegvliegtuie uit die ruimte aangeval. Binne 10 minute is alles verby en kies slegs een vyandige vliegtuig die hasepad – die res is almal voor die voet vernietig.
Prof. Anton Coetzee bou 'n robot om die rekenaars binne te dring en kry sodoende die ruimteskip aan die gang. Gou-gou keer hulle terug aarde toe.
Ongeloof begroet hulle by hul aankoms in Pretoria. Op die kalender staan Junie 2041. 60 jaar het ondertussen verloop. Ondanks die hereniging met oorlewende bloedverwante het die ruimtereisigers bykans niks met die moderne samelewing in gemeen nie. Hulle besluit daarom om met die Celeste weer na die ruimte terug te keer.