Gaan na inhoud

Russiese Spoorweë

in Wikipedia, die vrye ensiklopedie
Russiese Spoorweë
Российские железные дороги
TipeOpe aandelemaatskappy (OAO)
Gestig1 Oktober 2003
Hoofkantoor
Moskou
,
Gebied bedien
Russiese Federasie
Sleutelpersone
Wladimir Jakoenin (president)
Inkomste1195,1 miljard roebel (2010)
202 425 000 000 Russiese roebel (2017) Edit this on Wikidata
139 704 000 000 Russiese roebel (2017) Edit this on Wikidata
Totale bates4 467 681 000 000 Russiese roebel (2017) Edit this on Wikidata
Aantal werknemers
976 116[1]
OuerGovernment of Russia Edit this on Wikidata
Webwerfrzd.ru
Elektriese gelykstroomlokomotief VL10, streekafdeling Suid-Oeral

Die Russiese Spoorweë (Russies: Российские железные дороги; kort: РЖД; in Latynse letters volgens wetenskaplike transliterasie: RŽD; soms ook RZhD) is die nasionale spoorwegmaatskappy van die Russiese Federasie wat in die regsvorm van 'n ope aandelemaatskappy (OAO) georganiseer is. Die hoofkwartier is in Moskou gesetel.

Die maatskappy het die grootste deel van die infrastruktuur en voertuie van die Sowjet-spoorweë (СЖД, Sovetskie železnye dorogi of kort SŽD) oorgeneem. Die Russiese Spoorweë is in streekafdelings onderverdeel en bedryf 'n spoornetwerk van 85 500 kilometer (die tweede grootste ter wêreld ná dié van die Verenigde State) met 'n spoorwydte van 1 520 millimeter, waarvan 22 000 km met 25 kV wisselstroom (50 Hz) en 18 800 km met 3 kV gelykstroom geëlektrifiseer is. Die meeste spoorlyne is in die weste en suide van die land gekonsentreer. Sapsan-hoëspoedtreine loop tans as statusvervoermiddel tussen Moskou en Sint Petersburg.

Die Russiese Spoorweë het meer as 976 000 werkers in diens en hanteer 42,3 persent van Rusland se totale vragvervoer (insluitende pyplyne) asook 32,7 persent van dié land se passasiervervoer. Die maatskappy bedryf naas sy gewone spoornetwerk ook die Al-Russiese Navorsingsinstituut vir Spoorvervoer met 'n toetsspoorlyn naby Sjtsjerbinka suid van Moskou.

Verwysings

[wysig | wysig bron]