Sardientjies

in Wikipedia, die vrye ensiklopedie
Jump to navigation Jump to search
Vir die gelyknamige vis, sien sardyn.

Sardientjies is soortgelyk aan wegkruipertjie. Die speletjie kan in beide die huis of buitemuurs gespeel word. Die spel word meer pret hoe meer mense daar is. Daar moet ook ten minste 4 kinders wees om te speel.[1]

Begin van die spel[wysig | wysig bron]

Anders as in wegkruipertjie kruip net een persoon in sardientjies weg. Aan die begin word dié persoon aangewys deur 'n rympie of wat ook al die reëls in die spesifieke geval mag wees. Die wat nie gaan wegkruip nie wag almal op 'n gemeenskaplike plek totdat die persoon klaar weggekruip het. In sekere gevalle mag 'n tydlimiet gegee word waarbinne die persoon 'n wegkruipplek moet kry voordat na hom/haar gesoek word. Wanneer die tyd verstreke is of die persoon sê die res kan maar kom, begin die res na hom/haar soek.

Ontdekking[wysig | wysig bron]

Almal begin nou vir die persoon soek. As iemand op die persoon afkom, mag hulle niks sê nie. Hulle kruip dan saam op dieselfde plek weg en wag vir die res om hulle te vind. As die volgende persoon hulle ontdek het, kruip hy ook saam hulle weg. Dit hou dan so aan totdat die laaste persoon hulle gevind het. Daar kan dan besluit word wie volgende gaan wegkruip. Gewoonlik is dit tussen die persone wat eerste of laaste die ontdekking gemaak het.

Sien ook[wysig | wysig bron]

Verwysings[wysig | wysig bron]