Serebrospinale vog

in Wikipedia, die vrye ensiklopedie
MRI-skandering wat die sirkulasie van serebrospinale vog aandui.

Serebrospinale vog is 'n waterige vloeistof wat die brein en spinaalkoord omring. Die hooffunksie van die serebrospinale vog is skokdemping en om die brein en spinaalkoord te beskerm. As sekondêre funksie help dit met die vervoer van voedingstowwe en verwydering van afvalstowwe.

Die prosedure waardeur serebrospinale vog vir diagnose getrek word, word lumbaalpunksie genoem. Toegang word verkry deur 'n naald tussen die derde en vierde rugwerwels in te steek.

Verdowingsmiddels word tydens die toedien van spinale narkose in die serebrospinale vog ingespuit. Die spinaalkoord se senuweevesels gelei pynlike impulse van­af die liggaam na die brein. Die inspuit van ’n verdowingsmiddel in die serebrospinale vog verdoof die senuwees, waarna daar pynloos aan die betrokke liggaamsdele geopereer kan word.