Simetikoon

in Wikipedia, die vrye ensiklopedie
Jump to navigation Jump to search

Star of life caution.svg

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.


Simetikoon is 'n mondelingstoegediende anti-skuimmiddel wat gebruik word om opgeblaasdheid en ongemak of pyn wat veroorsaak word deur oormatige gas in die maag of ingewande te verminder. Die gas is hoofsaaklik ingeslukte lug, asook klein hoeveelhede waterstof en metaan.[1][2]

Simetikoon is 'n mengsel van polidimetielsiloksaan en gehidreerde silikagel. Simetikoon is 'n anti-skuimmiddel wat die oppervlakspanning van gasborrels verminder, wat hulle in groter borrels in die maag laat saamsmelt, wat dan makliker gepasseer kan word. Simetikoon verminder of verhoed nie die vorming van gas in die spysverteringskanaal nie, maar verhoog eerder die tempo waarteen dit die liggaam verlaat.[3] Simetikoon kan egter die pyn wat veroorsaak word deur oormatige gas in die ingewande verlig deur 'n vermindering van skuim, wat veroorsaak dat winderigheid makliker opgebreek word.

Simetikoon word nie deur die liggaam in die bloedstroom geabsorbeer nie, en is dus relatief veilig. Volgens verslae van die "National Institutes of Health" (NIH)[4] is daar gewoonlik geen newe-effekte indien simetikoon soos aangedui geneem word nie. Hoewel simetikoon ook aanbeveel word as 'n behandeling vir koliek by babas, het ewekansigkontroleerde proewe nie bewys dat simetikoon effektief is vir hierdie gebruik nie. Ten spyte van die tradisionele standpunte oor die onderwerp, blyk dit dat koliek nie deur ingewandsgas veroorsaak word nie.[5][6]

Verwysings[wysig | wysig bron]

  1. http://www.hopkinsmedicine.org/healthlibrary/conditions/digestive_disorders/gas_in_the_digestive_tract_85,P00369/
  2. http://www.badgut.org/information-centre/intestinal-gas.html
  3. Norton, William (9 Januarie 2005). "Controlling Intestinal Gas". Besoek op 31 Julie 2007.
  4. PubMed Health
  5. University of Michigan clinical trial for simethicone used for colic
  6. Patient.co.uk on colic