Sipho Hashe
| Sipho Hashe | |
Persoonlike besonderhede
| |
|---|---|
| Gebore | 0 Desember 1934 Middledrift, Ngcabasa, Kaapprovinsie |
| Sterf | 8 Mei 1985 (op 51) Cradock, Kaapprovinsie, Suid-Afrika |
| Politieke party | African National Congress, Umkhonto we Sizwe (MK), PEBCO, United Democratic Front |
| Eggenoot/-note | Elisabeth Hashe |
| Kind(ers) | Mandisa |
Sipho Samuel Charles Hashe (1934 – Mei 1985) was 'n anti-apartheidsaktivis in Suid-Afrika en een van die Pebco-drie wat in Mei 1985 deur die Suid-Afrikaanse Veiligheidspolisie vermoor is.[1]
Vroeë lewe
[wysig | wysig bron]Sipho Hashe is in 1934 in Middledrift, Ngcabasa dorp in die Kaapprovinsie gebore. In die 1950's verhuis hy na Port Elizabeth waar hy aansluit by die African National Congress (ANC) en Umkhonto we Sizwe (MK). Met die verbanning van die ANC in 1961, het hy die werk van die party voortgesit, wat gelei het tot sy arrestasie in 1962. Hy is, onder andere, aangekla van sabotasie en terrorisme, en is tot 10 jaar gevangenis gevonnis wat hy op Robben Eiland uitgedien het.[1][2]
Hy is in Oktober van 1973 vrygelaat, maar onder huisarres geplaas vir 'n periode van 5 jaar. Tydens die periode het hy in die Kwazakhele lokasie in Port Elizabeth gewoon, en deur middel van, onder andere sy dogter die stryd voortgesit en veral skoliere en studente aangevuur.Na die verbanning van studente organisasies deur die staat, het Hashe "klasse" aangebied wat gemik was om studente op te voed oor die Vryheidsmanifes (Freedom Charter) en die ANC se nie-rassige beleid.[1]
PEBCO
[wysig | wysig bron]In Oktober 1979, herleef Hashe saam met aktiviste Edgar Ngoyi, Ernest Malgas en Henry Fazzie, die Port Elizabeth Black Civic Organisation, algemeen bekend as PEBCO. Gekies as die vierde voorsitter van PEBCO, het Hashe tesame met leiers soos Champion Galela, Qaqawuli Godolozi, Jackson Mdongwe, Mangaliso Ngxokwana en Xola Makapela sowel unies verskeie boikotte gereël wat ekonomiese skade aangerig het in die omgewing.[1] Dit is as gevolg van sy aktivisme dat die regering besluit het om hom te verwyder.[3]
Moord
[wysig | wysig bron]Op 8 Mei 1985, is Hashe, Galela en Godolozi, onder valse voorwendsel gelok na die lughawe in Port Elizabeth. Hier is die drie ontvoer, waarna hulle na Fort Chalmers naby Cradock geneem is. Eers tydens die Waarheid-en-versoeningskommissie is die omstandighede van die moorde openbaar gemaak, asook die verdowing en marteling wat die moord voorafgegaan het.[1][3][4]
Verwysings
[wysig | wysig bron]- ↑ 1,0 1,1 1,2 1,3 1,4 "Sipho Samuel Hashe". South African History Online. 29 Augustus 2011. Besoek op 3 Desember 2020.
- ↑ "Truth and Reconcilliation Commission: Case: EC0003/96 - East London". Persberig. 1996. https://www.justice.gov.za/trc/hrvtrans/hrvel1/hashe.htm. Besoek op 3 Desember 2020.
- ↑ 3,0 3,1 Staff Reporter (4 November 1997). "Plan was to kill Pebco Three". Mail & Guardian.
- ↑ "Gruesome fate of PEBCO Three revealed at PE amnesty hearing". SAPA. 9 Maart 1998.