Skeerkwas

in Wikipedia, die vrye ensiklopedie
Spring na: navigasie, soek
'n Man seep sy vel met 'n skeerkwas en -room voordat hy sy baard skeer

'n Skeerkwas word gebruik wanneer daar "nat geskeer" word. Die kwas word in 'n skeerroom of -middel gedoop om die vel voor die skeerproses in te seep.

'n Tradisionele skeerkwas.

'n Tipiese skeerkwas bestaan uit 'n kort handvatsel met hare. Die hare van die kwas kan van plastiek of die hare van dassies, varke of perde gemaak word. Die handvatsel word gewoonlik van hout, ivoor, kristal of porselein vervaardig. Die handvatsels van duurder kwasse kan van goud- of silwerinsetsels voorsien wees.

Die moderne skeerkwas het in die 1750's in Frankryk ontstaan. In die 1800's het toevoubare skeermesse dit vir mans prakties gemaak om hulself te skeer, eerder as om 'n haarkappersalon te besoek. Die skeerkwas het vinnig 'n statussimbool geword en 'n duur of eksentrieke kwas is as bevestiging van 'n man se persoonlikheid of selfs sy rykdom gesien.