Sleutelbeen

in Wikipedia, die vrye ensiklopedie
Jump to navigation Jump to search
Sleutelbeen
Inligting en eksterne bronne
Die sleutelbene (in rooi).
Die sleutelbene (in rooi).
’n Menslike sleutelbeen.
’n Menslike sleutelbeen.
Inligting
Latyn Clavicula
Ligging Skouers
Aangeheg Ribbes
Werking Dien as stut tussen die skouerblad en borsbeen
Eksterne bronne
MeSH D002968
FMA 13321
Clavicula inf.jpg
Clavicula sup.jpg
Regtersleutelbeen van bo en onder.
Gray200.png
Gray201.png
Linkersleutelbeen van bo en onder.

Die sleutelbene is lang bene wat as stutte dien tussen die skouerblaaie en borsbeen. Daar is twee: een aan die linkerkant en een regs. Die sleutelbene is die enigste lang bene in die menslike liggaam wat horisontaal lê. Saam met die skouerblaaie vorm hulle die skouergordel. In mense met min vet in dié streek van die liggaam kan die sleutelbene duidelik van buite gesien word. Dit is die bene wat die meeste breek – veral weens ’n impak op die skouers wanneer ’n mens val.[1]

Struktuur[wysig | wysig bron]

Die sleutelbene is groot, dubbel gekromde lang bene wat die arms met die torso verbind. Hulle is net bo die eerste rib geleë en dien as stutte om die skouerblaaie in posisie te hou sodat die arms vrylik kan afhang. Mediaal (in die middel) is hulle aan die manubrium van die borsbeen vas en lateraal aan die skouerbladpunte. Die mediale punte is rond en die laterale punte plat.

Van die borsbeen af krom elke sleutelbeen vir omtrent die helfte van sy lengte sy- en voorwaarts. Dit vorm dan ’n nog groter kromming na agter om by die skouerbladpunt aan te sluit. Dié punt van die sleutelbeen is breër as die punt by die borsbeen; dit het ’n rif en ’n ronde punt waaraan spiere en ligamente van die skouer vas is.

’n Sleutelbeen kan in drie dele verdeel word: die mediale punt, laterale punt en skag.

Verwysings[wysig | wysig bron]

  1. Busy Bones”. 2011-05-13.

Eksterne skakels[wysig | wysig bron]